Martin Luther pen thumaan bek aci LSTho bang tek”a kalsuan ding adeihpa hi-in,Ei Protestant te ading in ih PA zong ahihi.
Martin Luther pen Eisleben khua ah, November 10,1483 in suak hi.Unau7 lakah a upapen ahihi.A nu a pate pen nasep hanciam,athumaan,lokho mi ahi uh hi.Amau inn kuan ahih leh, Roman Catholic upna alenkip mahmah inn kuan khat ahihi.Luther in La uuk mahmh hi.Kum sagih aphak in sangkah kipan aa, University dong kahsuak hi.Atha tanghat,nasep hanciam,akhuak zong taai mahmah mi khat ahihi.Ama hun lai in Germany gam sung aa, University hoihpen ahi Erfurt ah laisin hi.1505 kum ciangin, upadi(law)pilna sin aa,sitni suah ding ngaihsun hi.Tua leh nikhat ,sun nitaang laipi thakhat in kekkia in amah lampai kimlai hi aa, khalum dektak hi.Alau na tawh Pasian hong phawk in phungzi suah ding hong khensat hi.Phungzi sangkah in, zuihding thute hanciam takin, zui a 1507kum in, phungzi hong suak hi. May2 ni in amasapen mass bawl hi.Mimawh kimlai Pasian mai ah ding ahihlam nakphawk lua ahih manin, aci linggawpin,a-mass bawl zong man zolo dektak hi.Pawlpi ngeina tuamtuam te zuihna tawh lungnopna khamuann zong-a,muzo tuanlo hi.
Thungenin,antangin,nai tam pipi mawhsutna nei mahtase lehzong,a lunggim tektek mawk hi.LSTho hong sin beh a Winttenberg University panin Doctor of Theology hong ngah hi.Winttenberg University ah Pasian thu(Theology)hong hilh kawm in Rome laikhak sung hong sim kha in,tua Asim khak LSTho ahih leh, Rome1:17na a”midik in upna tawh nungta ding hi”cih asim laitakin, thakhat in alungsim vut in,Pasian maiah midikna ngah na ding pen pawlpi thu zuihna,gamtathoihna te hi lo-in Upna bek hi(sola fide)cih hong mu khia hi.Hih hun aa, kipan in Upna bek tawh hotkhiatna ki ngah cih nakpi in hong hilh hi.Germany gambek hi lo in Europe gambuppi in thakhatin a min hong ki za (kizel)hi.Purgatory pan suahtak nading sumtawh leithei hilo,Pope in zong honkhia theilo ci-in hangsantak in hong hilh hi.
October31/1517 ni-in Wittenberg biakinnpi kongkhak ah hotkhiatna sum tawh kilei theilo cih thu 95 Luther-in hong suang giap hi.Tua hun lai in hih banga asuan na thutawh kisai in anial nuamte tawh kinial ding cihna hi.Hih lai pen mitampi in lunglut in thakhat in Germany gam bup ah ki zel hi.Latin pau leh pautuamtuam in ki letpah ziah”hi.Luther in hihlai aa suanna pen Pope tawh kikhen nang pawlpi tawh kikhen nang cih peuh mah ngaihsutna nei hetlo hi.Pawlpi sunga hoihlohnate apuahpha nuam bek ahihi.LSTho bek thunei ding hi’acih ciang in RC pawlpi sung ah buaina om pah lian hi.Tua takciangin pope hehmahmh in 1518 kum khuakhal sung in Rome khuapi ah sam in,thudotnanei hi.Germany a pope taangmi Cardinal Cajetan in maban azop ding in pope in ap hi.Hi teng kawmkalin thukinial na na siatektek hi.Wittenberga alawmte in Luther panpih uh hi.Tuate lakah aminthangpen khat in Philip Melanchton(1497-1560)ahihi.
1520 kumin Luther in laihawm khiat thu nga(5) nei hi.Tuate lak ah Gamtatna phatawh kisai thuhilhna (Sermon on Good Works),Rome khuapi-a Pawlpi’Pa(the papacy at Rome),German Upa Vaihawmte Tunga Thugenna'(The address to the German Nobility),Babylon a Pawlpi Saltaanna'(The Babylonian Captivity of the Church),leh Thu um mi khat suahtakna (The Freedom of the Chirstian Man) cih te ahihi.
Gamtatpha tawh kisai Thuhilhna’sungah gamtatpha icih pen JesuChrist upna hi ci-in gelh hi.Gamtat na pha icih zong biakpiakna tawh kisai zuihleh septe bek hi lo-in i nisim nuntak na mahmah gamtat hoih ding cih zong gen hi.
Rome khuapi a pawlpi’pa acih pen pope agen nuam ahihi.Pope atamzaw pen piangthak beek lo uh hi ci hi.Pope te bek in LSTho khiathei ding simthei ding cih pen maanlo hi ci hi.Piangthak thu um mi khempeuhin LSTho sim in KSTho lamlahna bang in khia thei hi ci hi.Tua ban ah Pope leh pawlpi maakai te noptatna uangtatna zong dik asak loh na gen beh lai hi.
Hih alai gelh te hang in pope hehmahmah a,Topa aw thoin na lenggah huan ngal khatin phial mang hi cih kammal te tawh thu hong pan zawzen hi.Luther mawhsakna thu41hong ngelhkhia hi.Luther lai gelh khempeuh akimuhna mun ah haltumsak unla ni60maa in luther tawh aki muh thei nangin hanciam in thupia hi.January3/1521 ni-in pawlpi pan in hawlkhiatna ding thupia hi.Hi bangin luther aki langpan laitak in German mi tampi tak in Luther panpih uh hi.
April1521in Worms khua ah kumpipa leh makaaiten’Luther thusit uh hi.Ka thugen,ka laigelhte khial ing acih ding sawl uh hi.Tua sung ah Luther in thakhat in dawnna neilo in nitawm hunpia un ci-in tuathu pope leh maakaiten’huntawm pia hi.Ahi zongin Luther in ani kiciamni atunmasiah thungen in ki ap aa hi dan in dawng kik hi.Ka thugen te ka laigelh te khempeuh LSTho tawh aki tuahlona(akitukalhna) aom leh honghilh un ,acih ciang in kua mah in dawng thei lo hi.Hih Luther kampau pen Kumpi pa in azakciangin lamdang sa in Pope in zong LSTho tawh aki tuallohna laktheilo cih amuhciang in hizah in LSTho siam mi hi zah in hih laigelh maanlo ahihna lakzo lo na hihman un Luther maan hi ci sawnsawm hi.Hih khit ciangin Luther mawhsakna daanpiak dingin akisak laitak in Luther lam ah German kumpi namte na pang ahihmanin luther thukikhen thei lo in ,ahizongin Luther suaktatak in gamta gam lo hi.Khakua sung bang bu-in, tua sungin laibu Dozen khatval bang gelhin LSTho thak Greek panin German lai in tei hi.LSThoLui zong anungteh tei zo hi.Luther tei LSTho pen German ah ahoihpen hihi.
Tawlkhat sung akidaihthahna pan in March6/1522 ni-in Luther,Wittenberg ah ciahkik in amapatsa pawlpi puahphatna ah panmun hong la kik hi.Mitampi tak Luther ngei ah pilna sin in,asin thu te akhua atui ciat uh ah upna maan zelsak uh hi
Luther in anasepna ah la lamthupisak hi.Mipi lasak nuamsa hi.Labu khat zong bawl in amahphuah zong hel hi.Tuni dong in luther laphuah minthang khat “A Mighty Fortress Is Our God” ahihi.Charles V in Pawlpi puahphatna alangpan mahmah hun 1527-1528 pawl in aphuah hi ding in ki um mwh hi.
Luther nungzui mi hongtam mahmah ahih manin pawlpi thak khat hong piang ama min pua in Lutheran pawlpi kici hi.Luther lawm hoih mahamh Melanchton in Luther’thukimpihna tawh hih pawlpithak a dingin upna pulaakna hong geel a,Augsburg Confession ki ci hi.Luther zong mihing mah ahih manin kicinlahna tampi zong nei hi.Acihkhat citeltal in hoihasak lo te ci suk giap”lel hi.Bangbang ahi zongin Tapidaw te lammaan ah hongpaipih ding in Topan’na zang ahihman in lungdam hi hang .Lutherpen February 18/1546 ni-in asuahna khua Elisleben ah leitung nusia hi.
Reformed Church History leh Dr. Do Suan Mung gelh PUAK KAWIKAWI THEIH LSTHOSANG pan hi-in,ka gelhnop khat pen
Luther in thu 95 agelhna hang in Rome khua ah thusit ding apai lai aa Malanchton tung ah avaikhak thu in,”Lawm aw kei tuin sihding lam amanawh ka hi ta hi.Thumaan na hang in sihding ka laukei a,ahi zong in cidam in ka melnong muhkik nawnkei le hih thu maan mah na lenkip in” ci-in vaikhak na nei hi.
Bang hang in Luther ki mawhsak hiam?
Luther in LSTho pen sang koih bel ding (Pawlpi lutang in pope hi lo Christ ci giat hi)
LSTho tawh aki tukalh pawlpi ngeina zuihna te phiat ding.Mawhmaisak na pen pope tung ah om lo,Pope in kua mah mawhna maisak thei lo,Tua hunlai tak in mawhmaisak na laihawm in tua hang in mitampi tak LSTho pan pial khia uh tua in Luther laitangna sak in Pasian zongdahsak ahih manin Topan’Luther ahopih na hi zaw hi.
Gengen ding gelhding ci leng tampi om khawl bawl ning.
Lungdam by Theophilus Khual
Kadeihna in hihtangthu in thumaan tampi honglak ahihi.Hih theilo in naom le amaan akhial na khensat ding haksa hi.
Yangon ka sangkah na Refomed sangpan in Thuthuk tampi ka muhna pankong hopsawn hi.
