KA PA
💪💪💪
Kapa cih thulu tawh lai Kong gelh ciangin, laigelh pa ii pianna Pa bek hi zenzen lo a, Laisim mimal kim te Pa zong ahihi..Tua ahih manin laigelhpa contex tawh na sim le thupi na sa khol kei ding a, nang mahmah ii context tawh nong simsak le hong thupi zaw ding hi ..
✍️Ka nu Gil sungah ka om a kipanin ka mel hong muh ding ngaklah in, ka melhong muh ciang’ ka ma ban ding khempeuh hong gelsak denin sunlehzan thu hong ngetsak den ka Pa
✍️Pilna ka zon theihna ding, sangpi ka tuntheih na dingin ka lang khat panin haksatna tuamtuam te hong puakpih ka Pa.
✍️Sumlehpaai ka zon hun ciangin ka lawhcin theihna ding lampi hong gelsak den ka Pa.
✍️Lawm leh gual tawh ka kikholh ciangin ka om dan ding ka tat dan ding, ka kampau zia ding le ka Gamtat zia ding hong hilh den ka Pa.
✍️Nuam takin ka om na peuhpeuh ah kaom theih na dingin avai hawm den ka Pa.
✍️Sunni sata le, Guahzu ta le, Napta le Napta kei le tate hong khual manin na sep ahanciam pen ka Pa..
✍️Tate ading ahih nakle Maizum nazong khuallo in saklehkhang ah sumleitawi in tate kisap te hong hong sik den ka Pa..
✍️Lungmuang takin ka om theih na dingin , lungkhamna te Aman pua in tawlhun gimhun ah tate maitaina leh awkhum tawh hong ho den ka Pa…
Tate adingin athahatna te zangkhia in, tate adingin apilna te sungkhia a, tate adingin na khempeuh hong panpih den ka Pa..
Ih pianna Pa sep le bawl khempeuh pen Tate ading , tate mailam ding ahih manin, pianna Pa anei lai Lawmlehgual te aw ii Pa zahtakin, thupisak in, Pilna siamna aneih kei uh hangin thudong tangtang ni ..
Pa te in Pilna asinzawh lo hangin Pilna sin tate sangin amau tuahkhak thute tam zaw aa, thupi zaw hi..
Kapa in no na muhna ciang uh tawh thugen zeuzeu uh teh, ko ka hih uh le kumtampi ka nathuaksa te uh hong gen hi ung.. ci in thu hong hilh zelzel hi..
Napa Adam lai in zahtakin..
Napa adamlai in Lungkimsak in..
Napa Adam lai in alungnopna ding in bawl in..
Napa Adam lai in thupha ki pia sak in..
Napa tungah Thupha om hi.
Napa khitui na luansak le na nuntakna pen Pilna na nei aa, neih leh lam ki cing na ki sa zongin mawk beibei ding hi..
Napa nang tungah alungkim kei le , Khual mial sung a, zamei am huih let bang hi lel ding hi..
Napa na sim mawh leh na nuntakna pen akhasiat huai, ahehpih huai din mun ah na om ding hi..
Asim mimal kim tungah lungdam ing..
Laigelh -Theophilus Khual .. August 24/2022 (India time 8:29)
