𝗟𝗔𝗜𝗦𝗜𝗔𝗡𝗚𝗧𝗛𝗢 𝗔𝗞𝗛𝗜𝗔𝗟𝗛𝗟𝗢𝗛𝗡𝗔
Zolai tawh hilhcianna
•••••••••••••••••••••••••••
Tu hun ciangin mi pawlkhat in leitung tangthu, nate thu (Science) leh mihing lunggeel tawm thute siksan in LST khial thei hi ci uh hi. Ahi zongin, LST Pasian humuap hi ci-in isan nakleh LST khial peuh mah lo hi cih thu kisang thei pah hi. Mihing pawlkhatte in Pasian ahi zongin, Jesuh Christ ahi zongin, a um bang danin om napi uh LST um nuam het lo uh hi. Atak takin tua mite in Jesuh zong a um lo ahi uh hi.
Banghang hiam cihleh, Jesuh in LST um in thupi koih mahmah hi. Tua banah LST um lo napi Jesuh um cih bang zong a om thei ding hi lohi. Jesuh thu itheih khempeuh mihing a hong pianna, a nasep- na, hong sihna, a thawhkikna, hong paikikna ding cih thute mun dang panin itheih hi lo- in, LST pan a, itheih ahi hi. Mi pawlkhatte in amau deih LST mun teng um in a dangte um lo uh hi. Ei deih teng bek a maan hi-a, ei deih lohte a khial hi icih theih nadingin bang thu siksan ding ihi hiam? I up keileh zong a vekpi mahin up loh siang ding hi-a, i up leh lah a vekpi mahin um pah vet leng vai siang pah hi. Frank E. Gaebelein in a cih mah bangin, LST pen Pasian humuap ahih manin khial lo hi. Thuneihna tawh kidim a, muanhuai zong muanhuai hi, ci hi. Lutheran LST siam Francis Pieper in zong LST a khialih-lohna leh a thu- neihna pen Pasian humuap ahih man hi ci hi.

J.I. Packer in, LST khial lo hi i cih ciangin (1) LST kipatna bulpi Pasian ahihna leh (2) Pasian thumaanna leh Pasian muanhuainate kipsakna ahi hi, ci hi. J..Packer ma- hin LST Thuciam Lui pen Jesuh Christ, sawltakte leh pawlpi masate in a muanhuaina leh a thuneihna na kipsak uh hi, ci hi. LST Thuciam Thak pen LST Thuciam Lui tangtunna ahih manin a muanhuaina leh a thuneihna zong LST Thuciam Lui mah t a w a thuneihna kibang hi, ci-in na gen hi. Upna p e e n mi pawlkhat in LST in kha thu a gen ciangin khial lo-a, ahi zongin, leitung thu, nate thu a gen ciangin khial hi, ci mawk uh hi. Tua a gen thu uh pen maan peuh mah lo hi. Bang thu bang thu gen t a l e LST khial ngeilo hi. Akhialhna zong kuamah in kawkkhia thei tuan lo hi. Et pak a, a khial t a w a kibangte zong cian takin kan tel lehang a khial na hi lo hi. LST pen tangthu bu, gam thu bu leh nate thu bu hi lo hi. Ahi zongin, hih thute a gen khak ciang nangawn in khial tuan lo hi. LST khial ngei lo hi.

LST a langpangte in LST pen khialhna tul tampi tawh kidim hi, ci uh hi. Orthodox Christiante in a khangkhang in LST a khialhna om peuh mah lo hi ci uh hi. LST Pasian kamsangte’ gelhcilna (Autographs) ah khialhna om vet lo hi. LST pen Pasian kammal ahih manin khialhna om thei lo hi. Banghang hiam cileh LST bulpi ahi, Amah a khial thei lo Pasian ahih man ahi hi. Pasian thumaan in a gen thute zong thumaan ahih leh ama kammal LST zong a maan kul hi. Anungta tawntung Pasian ahih manin a genthute khempeuh a maan ahi hi. Ciangtan nei lo a kicing, na khempeuh a thei Pasian in khialh- na peuh mah bawl ngeilo hi. Hebrews 6:18 sungah, “Pasian zuau thei lo, zuau thu zang lo” ci hi. Paul in, Titus 1:1-3 sungah, “Pasian zuau lo hi” ci hi. Eite in i cihtak loh hangin a m a h (Pasian) citak veve hi. Amah leh amah kinial thei lo hi, ci hi (2 Tim.2:13). Pasian in thumaan (Jhn 14:6) ahih manin a kammal zong thumaan thutak hi pah hi (Jhn 17:17). Laphuakpa in,
“Na kammal khempeuh thumaan hi” na ci hi (Late 119:160).

Jesuh in Thuciam Lui (LST) pen Pasian’ kammal a khial ngeilo na ci hi (Jhn 10:35). “Van leh lei amangthang zongin thukham khempeuh (LST) a tangtun khit mateng laimal neupen khat ahi-a, laimal them khat nangawn ahi zongin a mangthang kei ding hi” ci-in Jesuh in gen beh hi (Matt.5:18). Sawltak Paul in zong a gen behna ah, “LST pen Pasian in humuam h”i (2 Tim.3:16-17) na ci hi. Pasian kam sung panin hong pusuakt h u khempeuh nungta hi (Matt.4:4). Mihing lam panin LST a kigelh ahih hangin amau lunggulhna leh deihna thu peuh gelh in hong patkhiat uh hi lo hi. Genkholhna thute in mihing deihna bangin hong piang hilo-in, Pasian’ misiangthote in Khasiangtho sawlna bangbangin a gelh uh ahi hi (2 Pet.1:21). Jesuh in biakna makaite tungah, “..Note in tanglai ngeinate zui- in, Pasian’ thu (LST) na nawl khin uh hi, ci hi (Mk.7:13). Jesuh in a kigelh Pasian’ kammal a kithupi ngaihsut semsem ding a deih manin (Matt. 4:4, 7,10) tesungah, “LST sungah kigelh hi” na ci kik kik hi. Thuciam Thak sungah “LST sungah kigelh hi” cih laimal mun 90 val ah om hi. Hih kammal in LST tungah Pasian’ thuneihna om ahih lam kician takin hong lak hi.

Pasian’ thumaan (LST) a kip a kho ahihna sawltak Paul in Romans 9:6 sungah na gen hi. Hebrews bu gelhpa in zong, “Pasian’ kammal in a nungta leh a vanglian hi-a, lang nih a hiam namsau sangin hiamzaw hi. Lungsim leh kha, guh leh taang leh guhngek- te pailet in khentel a, lungsim ngaihsutna leh tupna ngimnate zong a thei tel hi, ci hi (Heb. 4:12). Tua ahih manin LST khial thei lo hi. Pasian in khial thei lo ahih leh LST ahi Pasian kammal in khial thei lo ding cihna hipah hi. Pasian pen pau awk gawp in a thugente a kitel lo cih bang hi lo hi. Akampaute kician in thumaan hi. Thumaanna a nei Pasian in thumaan kammal LST eite tungah hong piak ahi hi. LST sungah thumaan lo, zuau thu leh phuahtawm thu kihel kilkel lo hi. Hi bang igen ciangin LST ei adingin thu haksa om lo hi, cihna hi lo hi. Athupai zia a tel hak LST munte om thei mah hi. Ahi zongin a haksa munte Pasian’ mite in a kankhiat ciangun LST in a khial lo ahih lam mukhia uh hi. Banghang hiam cihleh Pasian in a khial thei lo Pasian hi-a, ama kammal (LST) zong a khial thei lo cihna ahi hi. Akhial lo LST icih ciangin LST in thumaan bek gen a, khialhna om peuh mah lo cihna ahi hi. Ipsim leh uanggen tuam nei lo-in LST in ahi bang lianlian in thugen ahih manin khial thei peuh mah lo hi. Hih mun ah khialhna om lo icih ciangin a kigelh masa (Original Autograph) pen a gen ihi hi. Upna t a w kisai, tangthu t a w kisai, gam thu tawh kisai, nuntakna t a w kisai, kikhalna tawh kisai, bang thu bang thu ahi zongin LST in a gen nakleh a khial om ngeilo hi. Akhial lo LST thu tawh kisai a tel nop dingin hilhcianna ien
ding hi.

𝗟𝗮𝗶𝗴𝗲𝗹𝗵𝘇𝗶𝗮/𝗟𝗮𝗶𝗽𝗮𝗶𝘇𝗶𝗮 𝗞𝗶𝗵𝗲𝗹 𝗟𝗼
Akhial lo icih ciangin laigelhzia a tuamtuamte kihel lo hi. Bang hang hiam cihleh ngabeng John in aman hihna t a w kituak in gelh a, siavuan Luke in zong amah dan tawh kituakin kammal thuk theithei a zat mah bangin, sawltak Paul in zong pilna sang mah- m a h t a w h n a g e l h hi.

𝗚𝗲𝗻𝘇𝗶𝗮 𝗧𝘂𝗮𝗺𝘁𝘂𝗮𝗺𝘁𝗲 𝗞𝗶𝗵𝗲𝗹 𝗟𝗼
Akhial lo icih ciangin thupiang pawlkhat genzia kibanglote hi lo hi. Gentehna in “Topa Jesuh leitungah a omlai in Aramaic pau na zang a, Ama thugente a kiciaptehna lai pen Greekte lai ahih manin genzia a neng a tawngin na kibang lo hi. Bangbang ahi zongin a thuguipi, a thupaipi bel kibang veve hi.

𝗟𝗮𝗶𝗺𝗮𝗹 𝗞𝗶𝗯𝗮𝗻𝗴 𝗟𝗼𝘁𝗲 𝗞𝗶𝗵𝗲𝗹 𝗟𝗼
Aramaic kamin a kipaukhiate pen Greek lai-a kigelhkhia ahih manin laimal ki- zangte zong kibang lo ding cih theisa hi. Tua bek thamlo-in, Thuciam Thak LST a kigelh laitakin Thuciam Lui LST zong kizang zel a, LST Lui bup lah a khut sung a h om den lian lo ahih manin laimal zat kibang linlian thei lo ding cih zong ahi ding mah ahi hi.

𝗟𝗮𝗶𝗺𝗮𝗹 𝗚𝘂𝗮𝗹𝗵𝘇𝗶𝗮 𝗞𝗶𝗵𝗲𝗹 𝗟𝗼
Manglai paizia ah, “Keimah in kongpi ka hi hi” (Jn.10:9) leh “Keimah in tuucingpa ka hi hi” (Jn.10:9) a cihpen bang a tel hak simsim gen kaakna hi napi, Greek leh Hebrew lai paiziate ah na tel b a i mahmah ahih manin buaihuai lo hi.

𝗔 𝗧𝗲𝗹 𝗛𝗮𝗸 𝗠𝘂𝗻𝘁𝗲 𝗞𝗶𝗵𝗲𝗹 𝗟𝗼
LST sungah mun 100 val in LST pen Pasian humuap ahihna teci kician genna om hi. Banghang hiam cihleh a sung a thute kitukalh ngeilo hi. LST sunga thu pawlkhat pen thuk pha mahmah a, mihing’ ngaih sutna t a w tel zawh ding hi lo hi. Tuhun ciangin leisung kito kikkik a, tua panin a kimu kik vanluite tungtawn leh ni dang lai kampaute kanki- kna tungtawn panin tua bangin a tel hak thute pen damdamin kitel thei ta hi. Tua ahih manin tua bangin a tel hak thute hangin LST a khial hipah zenzen lo a, ei mihingte in itel nai loh man hizaw hi.

𝗔 𝗞𝗶𝘁𝘂𝗸𝗮𝗹𝗵 𝗞𝗶𝗵𝗲𝗹 𝗟𝗼
A taktakin LST sunga thu pawlkhat a kitukalh thu omlo-a, a kilehbulh tawh a kibang pak bel om hi. Gentehna in, “Jesuh kiangah galkapukpa khat in, kei kilawmkeng” (Matt.8:5-13) a cihpen (Lk.7:1-10) ah “..amah kilawm…” na kici hi. Hih pen upate lak a khat ahk galkap upa khat pai masa zaw cihna hilel hi. Athupiang pen a kibang ahi hi. Akhial lo LST igenna ah hih thute kihel lo hi. “Khialh theihna” pen mihing pianzia hi-in, khialh theihlohna pen Pasian pianzia ahi hi. Pasian’ pianzia leh mihing pianzia kibang lo hi. Pasian pen na khempeuh a omsak pa hi-in, mihingte pen Pasian’ bawl tawm kihi-ahih manin Pasian pen khial thei ngiat lo cihna ahi hi. LST khialh theihlohna pen a gelhpa Pa- sian tungah kinga hi.
Pasian pen mawhna anei lo Pasian ahih manin khialhna nei lo a, LST ama kam- mal zong khialhna om lo hi. Piancilna pan Mangmuhna dong a vekpi-in Pasian humuap ahi hi. E.J.Young in, “LST khialh theihlohna icih ciangin LST pen Pasian kammal ahih manin khialh theihna t a w kipelh hi. Thumaan thutak hong hilh in, a vekpi-in t u n a kikhat uh hi” ci hi. Charles C.Ryrie in, “Pasian pen a tawntungin maan hi (Rom.3:4), LST pen Pasian’ kammal hi (2 Tim.3:16), tua ahih manin LST pen khialhna a om thei ding hi lo hi” ci hi. Tua banah Wayne Grudem in, “LST khial theihlohna” icih ciangin a kipat cil a Pasian kiang- pan a kigelh laimalte bek genna hi-a, tua Pasian’ lah thute t a w a kilehbulh thute pen LST sungah kigawm thei lo hi. LST in thumaan thutak gen hi” na ci hi. LST a khialh theihlohna mimal leh kipawlnate muhzia zong a nuai ah isuutsuk lai ding hi.

𝗡𝗶𝗰𝗲𝗮 𝗨𝗽𝗻𝗮 𝗣𝘂𝗹𝗮𝗮𝗸𝗻𝗮 (𝗔𝗗 𝟯𝟮𝟱)
Nicea khua ah pawlpi makaite in Council a neih un, LST pen a khial thei lo Pasian’ kammal ahihna pomcip bikbek uh ahih manin thu khat peuhpeuh tungah LST bek bul- phuh uh hi.

𝗦𝘁. 𝗔𝘂𝗴𝘂𝘀𝘁𝗶𝗻𝗲 (𝗔𝗗 𝟯𝟱𝟰-𝟰𝟯𝟬)
“LST Pasian’ kammal bek zahtak dingin ka kisin a, LST gelhte pen mihing ahih hangin Pasian in khialhna leh zuauthu gensak lo hi cih ka um hi. Hih laibute sungah thu- maan thutak t a w a kileh bulh omhi cih ka muh khak leh zong Pasian’ khialhna om lo-in keima khialhna leh a tei kik mihingte khialhna hizaw hi” ci-in hi bangin na gen hi.

𝗠𝗮𝗿𝘁𝗶𝗻 𝗟𝘂𝘁𝗵𝗲𝗿 (𝟭𝟰𝟴𝟯-𝟭𝟱𝟰𝟲)
Pawlpi upna puahpha Martin Luther in, “LST pen a vekpi-in Pasian’ kammal ahih manin khialhna ci te om lo hi. Pasian khial thei lo ahih manin LST zong khial thei lo hi. Tua hi-a, LST bu khat leh bu khat, mun khat leh mun khat, gual khat leh gual dang khat
kitukalhna cihte zong om thei lo hi. Pasian in gentehna a tuamtuam leh eite tel zawh loh phial ding kammal tuamtuam zang ahih manin a deihna khempeuh a kitel zo lo hi bek a, Pasian in Amah i tel zawh nadingin i LST tawh hong kilaak hi” ci-in na gen ngei hi.

𝗝𝗼𝗵𝗻 𝗖𝗮𝗹𝘃𝗶𝗻 (𝟭𝟱𝟬𝟵-𝟭𝟱𝟲𝟰)
Piantit gam pawlpi puahpha John Calvin in, “LST pen a nungta Pasian theih nading leh Pasian kiang i zuatna dingin hong makai leh i sia hoih pen ahi hi. Ama piansak sa vantung leitung leh nate in Pasian itna leh Jesuh hong hotkhiatna tawh kician takin hong hilh lo ahih manin Pasian in kician tak a, Amah itheih nadingin LST t a w hong hopih hi. LST pen a siangtho mahmah Pasian gelh ahi hi. LST om keileh, mi khempeuh mawhna sungah kipuk cip dinga, a s i a n gal hihna tawh kinitum ding hi. Pasian piansak nate in hong hilh theih loh Pasian hong itna leh Pasian geelnate LST bekin hong hilh thei hi.
LST pen Khasingtho makaihna tawh kigelh hi-in, thuneihna pen eite tungah om- lo-in, Pasian tungah a om hi-a, ama manphatna pen pawlpite thukhenna tungah zong kinga lo hi. LST thuneihna pen Pasian vangliatna tungah kinga in pawlpi tungah kinga lo hi. Pawlpi tunga thunei pen Pasian leh ama kammal bek ahi hi. Pawlpi pen LST tungah kilam hi. LST in a m a h leh a m a h in thuneihna leh vangliatna nei hi. Pasian kammal LST sangin a thupizaw om lo hi” ci-in John Calvin ama upna na gen hi.

𝗘𝗻𝗴𝗹𝗮𝗻𝗱 𝗣𝗮𝘄𝗹𝗽𝗶 𝗨𝗽𝗻𝗮 𝗣𝘂𝗹𝗮𝗮𝗸𝗻𝗮 (𝗔𝗗𝟭𝟱𝟳𝟭)
AD 1571 kumin England gamah England pawlpite in upna laigil kahkhopna nei uha, tua sungah thului 39 t a w kisai kikum uh hi. Hih upna laigil kaihkhopna leh pulaakna sungah LST pen hotkhiatna ngah nadingin kicing a, khialhna omlo-in, eite kha lam bek hilo-in cilesa phattuam nading vive hi-a, hih LST pen Pasian kammal hi-in, eite tungah thunei pen ahi hi. Thuciam Lui leh Thuciam Thak (LST) pen Pasian’ humuapna tawh kigelh hi-a, eite kha mit hong vaksak hi” ci uh hi.

𝗪𝗲𝘀𝘁𝗺𝗶𝗻𝗶𝘀𝘁𝗲𝗿 𝗨𝗽𝗻𝗮 𝗣𝘂𝗹𝗮𝗮𝗸𝗻𝗮 (𝗔𝗗 𝟭𝟲𝟰𝟯)
AD 1643 kumin Westminister ah upna pulaakna leh upna laigil kaihkhopna nei uh hi. Hih thukikupna sungah LST a thupi pen (a masa pen) in koihu h hi. Pasian in a piansaknate ahi vantung leh leitung, a sunga om nate tawh Ama omna thu hong lah hangin Pasian pianzia leh Pasian hong itna kitel zo lo ahih manin Pasian in LST tawh eite tungah hong kilangkhia hi. LST pen hotkhiatna i ngah nadinga Pasian hong piak letsong ahi hi. Pasian maan itheihna ding leh Pasian lungsim itheihna dingin Pasian in ama kammal tawh hong hopih hi. LST tungtawn in ei leh ei kitheihna leh Pasian maan theihna piang hi. Pasian in ama kammal LST zangin hotkhiatna lampi ah hong paipih hi. Pawlpi tangthu i suut ciangin thuzui mi masate in zong LST pen Pasian kammal taktak ahihna leh Pasian hong hopihna ahih lam um ciat uh hi. Pawlpi masate ahih leh Pasian in tuni leh tuhun adingin khaici bangin na koih a, amaute upna leh eite upna pen a taktak ahihna leh lampi maan ahihna zong hong lak hi, ci uh hi.

𝗡𝗲𝘄 𝗛𝗮𝗺𝗽𝘀𝗵𝗶𝗿𝗲 𝗕𝗮𝗽𝘁𝗶𝘀𝘁 𝗣𝗮𝘄𝗹𝗽𝗶 𝗨𝗽𝗻𝗮 (𝗔𝗗 𝟭𝟴𝟯𝟯)
AD 1833 kumin New Hampshire a Baptist pawpite in upna pulaaka leh pawlpi upna laigil kaihkhopna nei uha, a masa pen leh a thupipen in LST ahi hi, ci uh hi. LST pen Pasian in mihingte zangin gelh a, hih laibu pen Pasian in eite tunga thu hong hilhna leh thu hong genna ahi hi. Hih laibu pen Pasian kiangpan hi-in, ineihsa khempeuh lakpan a manpha pen ahi hi. Pasian Khasiangtho ukna tawh kigelh ahih manin khialhna c i t e om thei lo hi. Thumaan leh zuau thu ikhinkhai nadingin LST zat ding ahi hi. LST pen pawlpi tungah thuneipen hi-a, hotkhiatna lampi hong hilh hi. LST pen Pasian’ hong hopihna hi, c i u h hi.

𝗕𝗮𝗽𝘁𝗶𝘀𝘁 𝗣𝗮𝘄𝗹𝗽𝗶𝘁𝗲 𝗨𝗽𝗻𝗮 (𝗔𝗗𝟭𝟵𝟮𝟱)
AD 1925 kumin USA gam a Southern Baptist kipawlna in upna pulaakna leh upna laigil kaihkhopna nei uha, LST tawh kisai kikum masa pen uh hi. Baptist pawlpi in LST pen
mihing gelh ahih hangin Pasian humuapna tawh kigelh hi-a, khialhna omlo-in, hotkhi- atna lampi hong hilh dingin kicing hi. LST pen Pasian in eite tungah thu hong hilhna hi-in,
Pasian theihna maan hong guan hi. Pasian in ama kammal tawh tuni-in eite tungah thu hong gen hi. LST pen Pasian hong kilaakna leh hong hopina sungah a tawpna leh a nunung pen ahi hi. LST pen pawlpi tunga thuneipen hi-a, a vekpi-in Pasian kammal hi-in, eite nuntakpih ding ahi hi, ci uh hi.

𝗖𝗵𝗶𝗰𝗮𝗴𝗼 𝗔𝗵 𝗟𝗮𝗶𝘀𝗶𝗮𝗻𝗴𝘁𝗵𝗼 𝗞𝗶𝗵𝗶𝗹𝗵𝗻𝗮
AD 1978 kumin Chicago, USA ah LST khialh theihlohna ci-in upna laigil pulaakna khat kinei hi. Hih upna pulaakna ah LST kibulphuh in tuhun pawlpite adingin LST thuneihna mah thupi penpen hi. Jesuh Christ a um khempeuh in Pasian kammal tawh kituak in a nuntak ding leh LST hong sawlna khempeuh izuih ding a thupi pen ahi hi. LST in isungah upna hong guan in iupna hong kicingsak hi. LST pen eite makai leh eite tunga thunei pen hi-a, LST hilhna pan paikhialhna pen Pasian kiangpan lam p i a n a ahi hi. LST pen Pasian humuapna t a w kigelh ahih manin khialhna om lo-a, eite hong m a k a i ding leh hong thuhilh ding ahi hi. Pasian in LST t a w eite tungah thu hong hilh a, LST pua lamah Pasian itna leh hotkhiatna thu izak nading lampi om lo hi, ci uh hi.

…………………………………………………………

Laibu etnate:

Bibliology
A lamdang Laisiangtho thu
Kap Do Thang

The Origin of the Bible: Human Invention or Divine Intervention/www.Brantpitre.com., 2010.

The Text of the New Testament: Its Transmission, Corruption, a n d Restoration (Oxford: Oxford University Press), 2005.

Basic Theology (Chicago Moody Press), 1999.

The Protestant Reformation: Returning to the Word of God (London: Trinitarian Bible Society), 2017.

Introduction To the New Testament (Apollos: Inter-Varsity )
New Testament Apocrypha (Philadelphia: Westminster), 1963.

The Canon of the Scripture (Illinois: InterVarsity Press), 1988.
Interpreting Scripture: Bible Questions & Answers (Silver Spring: Biblical Research Institute), 2010.
70 Great Christians: The Story of Christian Church, (Hyderabad:-
-), 1992.
Studying the Bible:
The Tankah and Early Christian Writings, 2019.

Understanding Scripture
(Hagerstown: R&HPublishing Association), 2006.

Handbook of Seventh – day Adventist Theology.

(USA: Review and Herald Publishing Association), 2000.

Seventh-day Adventist Believe: An Exposition of the Fundamental Beliefs of the Seventh-day Adventist Church, ed. Ministerial Association General Conference of Seventh-day Adventist
(Boise: Pacific Press Publishing Association), 2005.

Introduction To the Old Testament Pentateuch (Chicago: Moody Press), 1988.

Halley’s Bible Handbook
(Grand Rapids: Zondervan Publishing House), 2014.

The Christian Church: Biblical Origin, Historica Transformation a n d Potential for the Future
(Minneapolis: Augsburg publishing House), 1982. Stars and Bible: Astronomy Reveals God, 1952.

Fundamentals of the Christian Faith (Singapore: Far East Bible College), 2005.

AHistory of the Christians Church
(New York: Thomas Nelson a n d Sons, 1969.

Seven stars of the Protestant Reformation, 2017 The Canon of the Scripture/www.wrs.edu, 2018.

Introducing the New Testament
(New York: Harper &Row, Publishers), 1986.5
Introduction to the Bible
(Philadelphia: The Westminster Press), 1952.

The World a n d Literature of the Old Testament (Missouri: College Press Publishing Company), 1979.

The New Evidence That Demands A Verdict (Nashville: Thomas Nelson Publishers), 1994.

Biblical Canon: Formation a n d Variants in Different Christians, 2017.
Canons a n dTheirDevelopment by Saint Mary’s Press, (Document TX001001), 2010.

Holman Book of BiblicalCharts, Maps, and Reconstructions, 1993.
Notes on the Original Greek Text of the New Testament, September 28, 2003.

How We Got Our Bible, 1999.
Outlined From How We Got Our Bible
The Journey from the Texts to Translations: Original a n d Development of the Bible, 2004.

The Moody Handbook of Theology (Chicago: Moody Press), 1989.
Guide to the Texts, 2000.

The Origin of Canonicity in the Old Testament, 1972.
How We Got the Bible, 1998.

How We Got Our Bible
(Missouri: Beacon Hil Press), 1971.

New Testament Background, 2005.
The Theology Note Book:
Bibliology and Hermeneutics, 2005.

How We Got Our Bible: Sunday Night Seminar (Tulsa Christian Fellowship) February, 2017.
The Apocrypha, 1999.

Bible Quiz: A Treasury of BibleKnowledge (AndhraPradesh:Authentic Media, OmBook Foundation),
2010.

The Canon of the Bible: Its Formation, HistorvandFluctuation
(New York: Peker Eckler Publishing Co.,), 1877. The Bible in Time of Reformation, 2010.

The History of Christianity, 2013.

Understanding the Picture of the Bible, 2012.

Canon of the Old Testament, November 28, 2006.

Canonicity, 2014.

The Bible Almanac
(Nashville: Thomas Nelson Publishers), 1980.

The Holy Bible In Its Original Order:
A New English Translations
(California: York Publishing Company), 201.

From the Stephenus Text of 1550
(California: York Publishing Company), 2006.

Khristian Thu-up A Huampi
(Rangon: ShweMinglar Printing House), 2019.

Puak Kawikawi Theih Lai Siangtho Sang (Yangon: Hebron Printing Press), 201.

Tapidaw Pawlpi leh AUpna Taangthu (Yangon: Hebron Printing Press), 2000.

Laisiangtho Thu Haksa Hilhcianna, 2020.
Cope Topa’ Tangthu: Biography of Rev. D.r Joseph Hebert Cope, 2010.
Mangmuhna Hilhcianna, 2018.

Tongluan Zaitha (Yangon:Grace Press), 2016.
ANungta Saptuam
(Yangon:Gospel Focus Publications), 2015.

The First Zomi Systematic Theology
(Tedim)