Tu lai takin leitungah mi khempeuh in alunglut mahmah thu khat in USA kumpi ki tel ahihi.
November 5/2024 in kua in kumpi sem ding cih hong ki tel ta ding hi. Tu lai tak in ahih leΒ Trump leh Kamala nasia takin state tuamtuam ah vote (mee) zongin avak ziahziah lai tak uh ahihi.
Trump in athu genna ah Kamala vote pia kei un I gam khemna tawh hong makaih ding a, I gam ah ei te in thu I nei kei ding hi. Thumanlo in mite hong lut in I gam hong buaisak lel ding uh hi. Abeisa hun ah Biden tawh ki kop in Passport Visa cihte le Refugee tawh ahilo amawk lut tampi te in tu in I gam buaisak mahmah ta hi.
Kamala idea neilo hi. Gam adingin vision ki cian zong neilo hi ci in gen ziahziah hi. Hite agen thei na pen evidence tampi tawh mipi mai ah lakkhia ziahziah hi.
Ken kumpi hong sem leng i gam ah gam mite thuneihna hong khang ding a, Pilna leh economic lam ah zong ki khangto mahmah ding hi. Gam dang te in USA hong zahtak kik ding a i vangliatna i thahatna I ngah kik pel mawh ding hi ci in gen na hong nei hi.
BBC news Genna te pawl khat ah tuciang kumpi sem ding in Trump mah in ngah zaw ahih na zong pulak uh hi. Bang hangin BBC te Genna pulak sese i hihiam cih le tulai tak USA ah news gen minthang te thulang gen tamlua ahih manin BBC te gen up huai zaw hi. Gup tuam paih tuam neilo uh hi.
Trump in kumpi sem leh Leitung galvai hong veng zo ding hi cih pel mipil tampi in mu khia uh hi.
