APPLE TUNGPAN I NGAH CIDAMNA PAWLKHAT
Tuni in Apple nek na hangin i ngah hamphatna tuamtuam te ii gen nuam hi.
Apple pen mikimin i nek ,mi kim in i thei singgah nam khat hi aa, mikim in lim ii sak mahmah zong ahihi. Apple sungah Vitamin C tampi ki hel aa,Vitamin B leh B6 zong ki hel hi.Hih VB te in Blood Cells dalin ,ii khuak hoihsak hi….
Apple sungah Vitamin K zong ki hel aa,ii guh khauhsakin,Sisan luanzia mansak hi.Tua ahih manin gamthupi te ah pitek putek te bangin Apple pen limnek mahmah hi.Ih Sisan zong siangsak mahmah hi ..
Apple sungah Vitamin E leh adang vitamin tuamtuam zong kihel lai hi.Ih ci ii sa hoihsak(zolsak) mahmah hi..
Apple nekna hangin Khuakciim sak hi.Tua beklo in Apple nekna hangin thrombotic stroke cihte na dal mahmah hi.
Adiakin numeite ading bangin pen ahoih mahmah thu khatin ,Nisim in apple pongman in ne leh kha6 sungin , cholesterol 23 percent bang kiam zo hi.. University of Illinois te Genna ah atherosclerosis leh lungtang natna dal mahmah hi ci uh hi.
Apple nekna in Liphiat ngah na dingin panin 54percent bang dal aa,sikhang,sithum,lungtangnatna,cancer cihte adal mahmah singgah ahihi…
Sithum nei te bangin Annek simin Apple tawh nekhawm den zo leh hoih mahmah hi.
Cancer neite adingin kiciantakin zatui aom loh hangin Apple in tampi huhzo mahmah hi Bang hang hiam cih le Apple in akeu ii ci ii sa hita leh ii cisung ii sa sungaa sivui te na sepna tengah na sem ahih manin Cancer nei te adingin zatui hoih mahmah khat zong ahihi ci in Zatuilam Siam Dr.Anzlovar in gen hi .2016 in aki pulak khia Journal Pediatrics ah akigen thu khatin Apple nekna hangin mailam ah Numeite ii nawi cancer tampi adalna thu pulak khia uh hi…2019 ciangin the journal lancet in apulak na ah colorectal cancer l, breast cancer, Sithumnatna leh Lungtangnatna adalna te limtakin pulakna nei uh hi…
Athau lua te adingin Apple nek hoih
The Lancet te ii Genna ah numei thaulua te in nikhat in apple pum thum ne denleh kal12 sungin 1.22kg(2.7pounds)bang kiamzo hi cih genna nei uh hi….
2022 August kha in American Journal of Clinical Nutrition te kankhiatna panin agen uh thu in khuak asiate adingin Apple pong man in ne leh hoih mahmah cih pen pulakna nei uh hi…
January 2022 in Journal Biomolecules te Genna ah Apple nekna hangin Mittha hatsak in,Naupang mittah hatlo te leh Pitekputek mittha hatlo te adingin hoih mahmah hi cih pen na mu khia uh hi..
Tua ahih manin Apple ii cih pen mawkmawk lo ahih na leh Nisim in Cidamna dingin hong huh mahmah singgah zong ahihi. Hi thei leh Nikhatin pumkhat ta bang Nezo leng ahoih mahmah ding ahihi.
Apple in khuak siangsak mahmah ahih manin pilna zong te bangin pongman neden zo leh hoih mahmah hi.
Ci leh sa hoih sak hi. Vitamin A, B complex le C cih te kim takin om ahih manin ci tungah natna tampi dal in, Apple nekna hangin ci leh sa hoihsak hi ci-in cidamna lam siavuan ten gen hi.
Lungdam : Theophilus Khual
