A theihuai thupawl khat

A hehpihhuai Numeite, A theihuai thupawl khat, Cidamna lam tawh ki sai, Cidamna tawh kisai, Kangno leh Hanciamna, Khua Tangthu tuamtuam, NUPA KAL THU TUAMTUAM, Tangthu tuamtuam, Time of Zomi Laibusaal, Zogam Tangthu

NUPA KAL BUAINA AVENGNA DING THUSIM

/

NUPA KAL BUAINA VENGNA DING THUSIM๐Ÿ‘ฉโ€โค๏ธโ€๐Ÿ’‹โ€๐Ÿ‘จ๐Ÿ‘ฉโ€โค๏ธโ€๐Ÿ’‹โ€๐Ÿ‘จ๐Ÿ‘ฉโ€โค๏ธโ€๐Ÿ’‹โ€๐Ÿ‘จ๐Ÿ‘ฉโ€โค๏ธโ€๐Ÿ’‹โ€๐Ÿ‘จ๐Ÿ‘ฉโ€โค๏ธโ€๐Ÿ’‹โ€๐Ÿ‘จ๐Ÿ‘ฉโ€โค๏ธโ€๐Ÿ’‹โ€๐Ÿ‘จ๐Ÿ‘ฉโ€โค๏ธโ€๐Ÿ’‹โ€๐Ÿ‘จ๐Ÿ‘ฉโ€โค๏ธโ€๐Ÿ’‹โ€๐Ÿ‘จ๐Ÿ‘ฉโ€โค๏ธโ€๐Ÿ’‹โ€๐Ÿ‘จ๐Ÿ‘ฉโ€โค๏ธโ€๐Ÿ’‹โ€๐Ÿ‘จ๐Ÿ‘ฉโ€โค๏ธโ€๐Ÿ’‹โ€๐Ÿ‘จ๐Ÿ‘ฉโ€โค๏ธโ€๐Ÿ’‹โ€๐Ÿ‘จ๐Ÿ‘ฉโ€โค๏ธโ€๐Ÿ’‹โ€๐Ÿ‘จ๐Ÿ‘ฉโ€โค๏ธโ€๐Ÿ’‹โ€๐Ÿ‘จ๐Ÿ‘ฉโ€โค๏ธโ€๐Ÿ’‹โ€๐Ÿ‘จ Khatveivei teh lawm ki ngai ahi a, Nupa kal ahi zongin ki tot hun

A theihuai thupawl khat, Kangno leh Hanciamna, Khua Tangthu tuamtuam, Laisiangtho Thu, Leitung ki Uk zia, Leitung thei huai thu tuamtuam, Pasian mizatte Tangthu, Rev. Dr. Simon Pau Khan En, Tangthu tuamtuam, Time of Zomi Laibusaal, Zogam Tangthu

๐—” ๐——๐—”๐—จ๐—ฃ๐—”๐—œ ๐— ๐—”๐—ž๐—”๐—œ๐—ง๐—˜
(๐™ˆ๐™–๐™ง๐™ ๐™จ ๐™ค๐™› ๐™Ž๐™ช๐™˜๐™˜๐™š๐™จ๐™จ๐™›๐™ช๐™ก ๐™‡๐™š๐™–๐™™๐™š๐™ง๐™จ)
– ๐‘…๐‘’๐‘ฃ. ๐ท๐‘Ÿ. ๐‘†. ๐‘ƒ๐‘Ž๐‘ข ๐พโ„Ž๐‘Ž๐‘› ๐ธ๐‘›

Leitung mipilte in mihing pen ahon om nuamte hi (๐—›๐˜‚๐—บ๐—ฎ๐—ป ๐—•๐—ฒ๐—ถ๐—ป๐—ด๐˜€ ๐—”๐—ฟ๐—ฒ ๐—ฆ๐—ผ๐—ฐ๐—ถ๐—ฎ๐—น ๐—”๐—ป๐—ถ๐—บ๐—ฎ๐—น๐˜€) ci uh hi. Man hi. Nial ding om kei. Tua i hon om nopna in Makai hong kisam sak pahlek hi. Innkuan sung, khuasung tuisung, behsung phungsung, gamsung leh leitung buppi dongin makai i kisam hi. Upna tawh a kiphut Pawlpi (๐—™๐—ฎ๐—ถ๐˜๐—ต ๐—–๐—ผ๐—บ๐—บ๐˜‚๐—ป๐—ถ๐˜๐—ถ๐—ฒ๐˜€) te ah zong makai i kisam sem hi. Tua hi a, i pu i pate in, “๐˜š๐˜ช๐˜ฎ๐˜ฃ๐˜ฆ๐˜ฏ๐˜จ ๐˜ป๐˜ฐ๐˜ฏ๐˜จ ๐˜ฌ๐˜ช๐˜ฎ ๐˜ค๐˜ช๐˜ต๐˜ค๐˜ช๐˜ข๐˜ต ๐˜ต๐˜ข๐˜ฏ๐˜จ๐˜ป๐˜ข๐˜ฏ๐˜จ ๐˜ฌ๐˜ช๐˜ฏ๐˜ฆ๐˜ช๐˜ฉ” na na ciziau uh hi. Acih nopna uh thuk in muibun lua hi.

Atung a igen mihon kipawlna khempeuh anopcit nading, a khantoh nading leh a kilem diamdiam theih nadingin Makaite thupi pen hi, cih bel nialmawh thu ahi hi.

Tua ahih manin hilai ah ๐— ๐—”๐—ž๐—”๐—œ๐—ง๐—˜โ€™ pianzia i gen ding a, tua ah zong upna bulphuh kipawlna Makaite hel nai lo photin, kipawlna dang Makaite thu i masak ding hi.

I teldiak dingin Gam Makai (๐˜—๐˜ฐ๐˜ญ๐˜ช๐˜ต๐˜ช๐˜ค๐˜ข๐˜ญ ๐˜“๐˜ฆ๐˜ข๐˜ฅ๐˜ฆ๐˜ณ๐˜ด) te leh mihon Makaite i bulphuh phot ding hi.

๐— ๐—”๐—ž๐—”๐—œ๐—ง๐—˜ ๐—œ ๐—–๐—œ๐—› ๐—–๐—œ๐—”๐—ก๐—š๐—œ๐—ก
1. Makai hih nopna lungsim, lungput (motivation) thuk takin nei-in nang leh nang kipholaak kizuak tawm lo-in makai gina khat nasuah theih nadingin na lungsim kisekin kisin tawmtawm in Makai hoih khat hih ding lunggulh ngiat inla, ahi zongin nang leh nang kizuak tawm het kei in. Nang lunggulh gige peuh lecin amah’n nang hong zuan lel ding hi.

2. Makai gina khat suah nadingin man (cost) piak kul pha mahmah hi, cih phawk in. Na pau nop bangin pheng pau lo a, na ki-iipna leh makaiteโ€™ sep ding a kilawm nasep khat nasepna pen makai hoih khat suah ding na lunggulhna leh man (cost) na piakna hipah hi. Nang leh nang “makai ut ing,” ci-in kigen khia takei lecin mi in hong thei lua hi.

3. Na makaih ding mihonpi nautaangte, taangpi taangta te thuakna, thumna taunate veina (๐˜ฉ๐˜ฆ๐˜ข๐˜ณ ๐˜ต๐˜ฉ๐˜ฆ ๐˜ค๐˜ณ๐˜ช๐˜ฆ๐˜ด ๐˜ฐ๐˜ง ๐˜ต๐˜ฉ๐˜ฆ ๐˜ฑ๐˜ฆ๐˜ฐ๐˜ฑ๐˜ญ๐˜ฆ ๐˜ข๐˜ฏ๐˜ฅ ๐˜ฆ๐˜ฎ๐˜ฑ๐˜ข๐˜ต๐˜ฉ๐˜ช๐˜ป๐˜ฆ ๐˜ต๐˜ฉ๐˜ฆ๐˜ฎ) nei in.

4. Na makaih ding mipite koici nuntak sak nuam a, koilai mun tunpih nuam na hiam? cih (๐—ด๐—ผ๐—ฎ๐—น) siang sinsen in thei in la, na makaih ding nautaangte zong telsak in. Kimuh khawmna neiden in.

5. Laisim hahkat in. Na makaih nading vai tawh kisai, Nainganzi (politics) a kipan Sumbawlna (economic), Company khat peuh ah mi hong hawmthawh het loh dingin laisimin kanbeh hamtang in.

6.Mi tawh kilholh siam ding pi ngaihsut in.
Tua in na makaihna hong kilamdangsak ding hi. Miโ€™ deihna panpih thei in la, mite in zong nang hong panpih theih nadingin leptuah (negotiate) siam in. Hih thu na siam kei leh Democracy hun ah daupai-in na khuasuak ngei kei ding hi.

7. Thuman (honest), citak-in thuman phot phot in. Na kisik kei ding hi. Tua in mihing manphatna ahi hi.

8. Vaang (power) leh minthanna (porpularity) deih lua in hong kimuh khak ding peuhmah ut ke’n la, kidawm in. Nang om siam peuh lecin tuate in nang kiang hong zuan zaw ding hi.
9. Mipiโ€™ mai a thugen (public speech) siam tum in. Nagen leh nasep kibang sak in. Tua na thumaanna(integrity) in nang vaang hong pia ding hi. Gen a tuam, sep adang hisak ngei ngei ke’n!

10. Khensat ding aom ciangin hangtakin khensat gemgem in la, na khensatna dinpih gimgem in (taking accountability).

11. Na vaang (dignity) zahtak inla, phengom, phengciak kha het kei in. Na vaang tang in. Na vaang kemcing in.

12. Thu zawikaih (diplomacy) nasiam nading hanciam theih tawpin hanciam in. Hih thu, siam lo-in makai siam na suak zo ngei kei ding hi. Ahitazongin khauh akul leh a kisapna mun ah khauh gemgem lel in. “๐˜”๐˜ข๐˜ฌ๐˜ข๐˜ช ๐˜ฌ๐˜ฉ๐˜ข๐˜ต ๐˜ฃ๐˜ฆ๐˜ญ ๐˜ฌ๐˜ช๐˜ฏ๐˜ช๐˜ฑ ๐˜ฅ๐˜ฆ๐˜ฏ ๐˜ฌ๐˜ช๐˜ฏ๐˜ฆ๐˜ฆ๐˜ฎ ๐˜ฅ๐˜ฆ๐˜ฏ ๐˜ต๐˜ฉ๐˜ฆ๐˜ช ๐˜ญ๐˜ฐ ๐˜ฉ๐˜ช” ci-in Singapore te Makai siam ๐—Ÿ๐—ฒ๐—ฒ ๐—ž๐˜‚๐—ฎ๐—ป ๐—ฌ๐—ฒ๐˜„ in gen in zong zuipah hi (A leader cannot and should not be too soft always).

๐— ๐—”๐—ž๐—”๐—œ๐—› siam i cih pen suahpih suahken (๐™—๐™ค๐™ง๐™ฃ) bek hi lo-in atum leh alunggulh taktakteโ€™ ading in sintawm theih (๐™ก๐™š๐™–๐™ง๐™ฃ๐™š๐™™) luat ahi hi. Nikhat khakhat kumkhat thu tawh a kingah pah hizenzen lo-in makaih kawmkawm a sin tohtoh ding (process) ahi hi. Midangteโ€™ khialh khaknate pan leh ei mahmah khialh khaknate nangawn i Sia hoih pen hong suak thei hi. Lungkia kei in. Leitung Makai minthangte zong a lellel, a kiakia pimah, ta hetlo a, kuhkal tak a, a hanciam tentan ciang bek un a gualzo Makai apiang pan uh ahi hi.

NANG ZONG TUABANG A A PIANG THEI LUA NA HI HI.
LUNGKIA KEI IN!

(๐‘†๐‘–๐‘Ž๐‘๐‘Ž ๐‘–๐‘› 2020 ๐‘˜๐‘ข๐‘š ๐‘†๐‘’๐‘๐‘ก๐‘’๐‘š๐‘๐‘’๐‘Ÿ 6 ๐‘›๐‘–-๐‘Ž ๐‘Ž ๐‘”๐‘’๐‘™โ„Ž “๐ด ๐ท๐‘Ž๐‘ข๐‘๐‘Ž๐‘– ๐‘€๐‘Ž๐‘˜๐‘Ž๐‘–๐‘ก๐‘’” ๐‘๐‘–โ„Ž ๐‘Ž๐‘Ÿ๐‘ก๐‘–๐‘๐‘™๐‘’ ๐‘ก๐‘œ๐‘š๐‘›๐‘œ ๐‘Žโ„Ž๐‘– โ„Ž๐‘–).

/
Scroll to Top