Gualzawhna Thusim

A theihuai thupawl khat, Gamvai Tuamtuam, Gualzawhna Thusim, Leitung ki Uk zia, Leitung thei huai thu tuamtuam, PAWLPI SUNG LEH GAMVAI, Tangthu tuamtuam, Time of Zomi Laibusaal, Times Of Zomi News, Topa Itna, Zo History, Zogam Tangthu

FRENCH REVOLUTION TANGTHU

Revolution cih pen gam uk kumpi hoihlo te mipi in hemkhia a, mipi deih kumpi a pianna ding a mipi nasepna  ahi hi. French revolution hun pen May 5, 1789 – Nov 9, 1799 sung hi a, kum 10 val sawt hi.

French Revolution pen kumpi hoihlo te hepkhiatna revolution ah a khauhpai pen leh a nasia pen in kigen hi. France revolution na ah a lamdang mahmah khat om a, kumpi sem te leh a deihlo revolution mipi sungah France gam a hoih sak taktak ding mi omlo a, Italy mi Nopoleon in kumpi a sem ciangin France gam hoihzo pan mawk hi.

Tua hun lai in France gamah mi 20 million khawng om a, kumpi nasem pen 2% bek ahi hi. France gam leitang hoih mahmah hi na pi in nek leh dawn ding nangawn mipi lungkham mahmah uh a, a sepkhiat sunsun uh a, tax in kumpi lak sak mang pahpah hi. Kumpi te leh u lian te in mipi zahtakna khat zong neilo uh a, mi tawmcik te khut sungah France gam bup om hi.

France te kumpi masa pen Charles II the Bald hi a, 843 kum August khat pan hi a, 6 October 877 dong sem hi. Charles the Bald pan Louis XV sep ciang kum 900 val sung kumpi 44 in France gam uk a, gam nuam mahmah ahi hi.

France kumpi Louis XV (1715-1774) in nungak mhoih a sak mahmah Madame du Barry pen Paris khuapi a kham khi bawl a siam mahmah; Boehmer leh Bassenge te France sum Livre 2,000,000 man khamkhi (festoons, pendants, tassels etc) bawl sak ta zen hi. Khamkhi a bawl sak laitak in France kumpi Louis XV pen sunphuk natna (smallpox) tawh si citciat hi. Hi bangin France kumpipa noptat mahmah hi.

Louis XVI in France kumpi a sep ciangin ulian te nangawn in thu kinei sak mahmah uh a, Pasian nuai deuhah a om bangin kingaihsun liang uh hi. Mipi te haibawl in bangmah in mulo uh a, mipi tel MP te vaihawmna parliament phiat uh a, thuneihna khempeuh buluak uh hi. Mipi te in kumpi te tungah lungkimlohna leh haksatna gentheihna hun khat zong nei theilo uh hi.

France kumpi te leh ulian te a vekun sum neksim leh gitloh thuah uh a, a vek un kibang khin uh hi. France gam mipi 20 million hi a, kumpi nasem 2% mi tawmnocik te vaihawmna sungah 98% mipi te gentheih mahmah uh hi.

Gamla pi ah galdo in kuan uh a, America te kum 7 (1754–1763) sung vasim uh a, va lel dipdep zaw lai uh a, 10 February 1763 in “treaty of Paris” cih kilemna bawl uh a, khawl thei bilbel uh hi. Apr 19, 1775 – Sep 3, 1783, kum 8 sungah American Revolution War cih om a, tua sungin USA in British te kiang panin July 4, 1776 in Independent ngah hi. America in independent deih in a buaina ah zong va kihel kik a, September 3, 1783 in Treaty of Paris cih kilemna agreement gelh leuleu uh hi. Tua bangin America ah kum 16 sung bang galdo in vakuan uh hi. Ahihangin a gam mite in gentheihna nakpi in thuak uh hi. 1778–1783, kum 5 sung Britain te tawh va kido uh (Anglo-French War) lai uh uhi.

France gam a leitang hoih mahmah in nek leh dawn nuam a sa mahmah gam hi mah leh kumpi te siah khawn sang mahmah a, a siahkhawn te uh gambup sumin zanglo in amau sum bangin ulian te in zang in kilian sak mahmah uh hi. Gamdang ah galdo in kuan uh a, gam dang sum tampi ba uh ahih manin lokho mite sepsa teng laksak uh a, mipi lam pan thugen om lehlah manin nakpi takin gawt uh hi.

1760 kum akipanin Europe gam tuamtuam set tawh nasepna a hi; Industrial Revolution  cih khanlawhna nasia takin om a, gamdang te khangto mahmah uh a, France kumpi te gitlohna hangin gam sung buai na nasia mahmah hi.

Industrial Revolution in Europe gam tuam in khantohna bekbek kigen in na a sep ziahziah ciangin mipil leh misiam mahmah; Montesquieu, Voltaire, Rousseau leh laigelh siam mi tuamtuam te in thu hoih tuamtuam gelh ziahziah uh a, mipi lungsim zo mahmah uh hi. Mipi te in leitang hoih mahmah France gam uk kumpi te hoihloh manin a zawng hihang, gam leh minam itna lungtang phulkhia, so khia a, mipi kipumkhat in  revolution kipan khia uh hi.

Pawlpi sungah sum tam mahmah napi in Pawlpi sia te makaite zong guta suak mangkhin uh a, mipi te cimawh haksatna te enkik lo a, biakna makaite zong mipi mukhial ta uh hi.

A tung thute banah thu tuamtuam hangin French mipi te lungkim lote heh mahmah uh a, 1789 kumin mipi in kumpi te nawk ding kipan ta uh hi. Tua ciangin  January 24, 1789 in France kumpi Louis XVI in kum 175 sung a zat nawnloh, a phiatsa uh mipi vaihawmna dinpha kik hi.

May 5, 1789 in Paris khuapi Versailles Palace ah National Assembly sam a, gam sung kimakaih vai leh sum vai a kikup uh leh parliament member (MP) te tawh nakpi takin thu kinial uh a, kumpi te in zolo ahih manin France kumpi Louis XVI in National Assembly khak leuleu hi.

June 20,1789-ah Paris khuapi Tennis Court-ah mipi lungkimlo te paikhawm ziahziah uh a, gam bawl phat na ding thuciamna nei uh hi. Tua ciangin leitung revolution khempeuh lakah a nasia pen French revolution kipan taktak ta hi.

July 11, 1789 in Marie Antoinette leh Comte d’Artois te in puahphat (reform) kik ding va ngen uh a, July 12, 1789 in France kumpi Louis XVI in Assembly khakcip sak hi. Swiss guard te cing sak a, khua sungah French Guards Regiment te tampi duty sak pah hi.

July 14, 1789 in the Hôtel de Ville committee thukimna tawh mipi in Bastille a kici thonginnpi luh uh a, Bastille’s governor,  Bernard-René de Launay that uh hi. Basttille thongkia mi khempeuh khahkhia uh hi. Basttille pen 1370–1380 kum in France kumpipa Charles V in a lam ahi hi.

French revolution mipi in gam leh minam a it te a khumcipna Bastille kulh alak ni July 14, 1789 pen France Independent day in tuni dongin zang uh hi.

Mipi in Bastille thonginnpi luh in galkap tampi leh ulian tampi in revolution a panpih uh hangin a lungtang khauhsau sak veve a, August 4, 1789 in Kumpi te in Federal right bei sak leuleu hi 

August 26, 1789 in general Marquis de Lafayette makai in Revolution mipi te in  France’s National Constituent Assembly neih ding vai pulakna nei uh hi.

October 5, 1789 in France kumpipa Louis te tenna mai ah  vanzuak numei (market women) 7000 te in lungphona (demostration) nei uh a, ni taklam nai 6:00 dong lungphona nei uh hi. October 6, 1789 zingsang nai 6:00 a kipanin market women te lungphona kipan kik uh a, revolution mitampi kikaikhawm uh a, kumpipa tenna leh kumpinu tenna te zong luhmang uh hi.

Tua ciangin France kumpi Louis XVI in National Guard commander dingin  Lafayette koih a, The Paris Commune cih kimakaihna khat July 17, 1789 in bawl a, division 60 pan in delegate 144 seh hi. Paris majoy dingin Jean Sylvain Bailly seh hi.

Louis XVI in kumpi ahihna khawlsan nuamlo in mipi in deihnawn vetlo ahih manin France revolution khauh pai semsem a, May 19, 1790 in Louis XV in National Assembly khak leuleu hi. 1790 kum a kipanin kumpi nih nei in om ta uh hi.

Revolution mipi in kumpi ulian te leh biakna nasemte nawk in sum leh van tampi laksak uh hi. French revolution vai ah a pau ngeilo Vatican a om Pope Pius VI in revolution te gamtatna khengval sa ta ahih manin March 10, 1791 in France revolution makaite bawl thukhunte hoih asaklohna pulak a, France Pawlpi khen nih kisuah pah hi.

June 14, 1791 in  Le Chapelier Law thak khat bawl uh hi. France kumpi deihlo revolution te thahat semsem uh a, France nisuahna saklam  Grand Est a Varennes apartment ah kumpipa Louis & queen Marie Antoinette flee te koih uh hi. Revulotion mipi in June 20-21,1791 sung  kumpi te omna umcih uh hi. June 21, 1791 nitak in galkap 10000 te in Varennes pan paikhiat pih uh a, Paris ah paipih uh hi.

August 27, 1791 in Declaration of Pillnitz a kici France kumpi Louis XVI  support na;  Prussia kumpi Frederick William II leh Habsburg Holy Roman Emperor Leopold II te in France gam Dresden gei a, Pillnitz mun ah pulakna nei uh hi.

September 3, 1791 in mi 12 te in a gelh uh French Constitution of 1791 pen France kumpi Louis XVI khut ah pia hi. September 30, 1791 in Assembly ah kikum ding a cih pen kumpi Louis XVI in nidang ciang kikum kik ni, ci in paulap zongin khin to hi.

1791 kum December kha in Louis XVI in France galkap sung nakpi takin bawl pha a, Autria leh Prusia te in huh uh hi. Revolution lamte zong thahat semsem uh a, April 20, 1792 in France kumpi a huh; Austria te do dingin revolution te in pulak khia uh hi. France gam sung a om Austria te do uh a, French Revolutionary Wars kipan ta hi.

April 25, 1792 in revolution te in guillotine a kici ngawntanna zat kipan uh a, a tan masak uh pen Nicolas Jacques Pelletier hi a, Paris city hall ah tan uh hi.

June 13, 1792 in Revolution te in France kumpi a huh Prussia kumpi do dingin pulak uh a, Prusia gamgi dongin Prusia mite do uh hi.

August 1, 1792 in Allies Army a kici France, Austria leh Prusia te commander te in a bawl uh French kumpi innkuan kepbitna ding  “The Brunswick Manifesto” pen French National Assembly ah kipsak uh a, mipi theih dingin tangko khia pah uh hi. Tua manifesto a bawlna uh pen July 25, 1792 in France khuapi Paris ah mipi te kithutuak in “the War of the First Coalition”, a bawlna uh hang ahi hi.

August 9, 1792 in revulotion mipi te kikaikhawm in Paris Commune cih khat phutkhia uh hi.

August 10, 1792 in revolution bawl mipi galkap tampi takin kumpi te omna Tuileries palace luh uh a, Swiss guard te tawh kikap uh a, Swiss guard te tampi si uh hi. Sun 11:00 in mipi te in Louis XVI pen France kumpi hihna pan khawl sak ta uh hi. Louis XVI’s power bei ta hi.

August 21, 1792 in Paris city hall panin Place du Carrousel ah ngawntanna “guillotine” tuah uh hi.

France kumpi thak ding kitelna

September 2-10 kikal sungin kitelna nei uh a, 20 September 1792 in French First Republic National Convention, Salle du Manège, Paris ah nei uh hi.

Januaru 21, 1793 in France kumpi thak te in kumpi lui Louis XVI (kum 38) thusitna nei uh a, guillotine tawh Place de la Révolution,  Paris, France ah a ngawntan uh hi. Louis XVI in 10 May 1774 – 21 September 1792, kum 18 sung France kumpi sem hi.

February 1, 1793 in France kumpi a huh Britain galkapte leh Netherland galkapte do dingin revolution mipi te in tangko uh hi.

First Coalition war cih pen Frwnch revolutuon mipi in French kimpi te a do kipat uh; 20 April 1792 ni a kipan pen ahi hi. Revolution bawl mipi in France kumpi galdo kipan uh a, Austra, Prusia, Britain, Nethelans, Holy Roman Empire, Germany, Naples, Portugal, Spain te in France kumpi huh ngeingai uh hi.

April 6, 1793 in Committee of Public Safety a kici mipi kembit General Defence committee cih phuan uh a, June 24, 1793 in New Constitution khat pulak khia uh hi.

August 12, 1793 in France galkap ding lakna revolution in kumpi thak te in nei uh a, mi tampi kipia ziahziah uh hi.

September 17, 1793 in French National Conventioin in Terror a ki ci “Law of Suspects” cih thukhun khat bawl uh a, French revolution hun sung a mihoihlo te thu vaihawmna ahi hi. France kumpi Louis XVI sep sung a revolution hun sungin mi 500000 val in bawlsiatna thuak a, mi 300000 kithat lum dinghi,ci in Albert Mathiez in ciamteh hi. Victims estimate khat leh khat kibang lo hi. Revolution mipi te in Paris khuapi sungah a thah bekbek uh zong mi 5000 pha dingin kigen hi.

October 16, 1793 sun 12:15 in French queen Marie Antoinette (kum 37) pen guillotine tawh a ngawngtan uh hi. Marie Antoinettee pa pen Francis I, Holy Roman Emperor hi a, a nu pen Maria Theresa ahi hi.

October 31, 1793 a kipanin kumpi uliante leh makaite abanban in thu kikhen a, 1794 kum July kha dongin ngawngtanna guillotine tawh mi 170000 ngawng kitan hi. Guillotine tawh ngawng a tan uh ah a naupang pen Mary Anne Josephine Douay (kum 14) ahi hi.

Ngawntanna Guillotine

Ngawntan na guillotine tawh Adoft Hitler in zong mi tampi ngawng tan sak hi. 1792 a ngawngtanna guillotine nickname te pen the widow, the barber, the national razor te ahi hi.

Ngawngtanna guillotine pen a sanna 4.5 metres (15 ft) hi a, a tem (blade) gihna 3.5 kg (7.7 lb) a hi hi.

Guillotine zat ding vai pen National Assembly ah 10 October 1789 in physician Joseph-Ignace Guillotin in capital punishment a zat dingin a pulak ahi hi.

Revulotion bawl mipi te in kumpi a sep hangin France gam hoih thei tuanlo a, Napoleon in Frace kumpi hong sep ciangin gam sung hoihzo pah hi.

Napoleon tangthu

Napoleon Bonaparte pen August 15,1769 inn Corsica Mediterranean tuikulh a Ajaccio khua ah suak hi. A pianna suak khua pen Italy gam hi napi in a suah ma deuh in France in la ahih manin France ukna nuai ah om a, Napoleon in zong France lai sin a, 1785 kumin French military academy zo hi. Tua zawh a sawtlo in French revolutuon kipan a, France gam buai mahmah hi.

French recolution kipat tung lamin a nasepna pan leave la a, a khua uh Corsica in ciah a, revulotuion vai kin khol lo uh hi. Corsica khua ah democracy political group “Jacobins” a kici ah lut a, nationalist Corsican governor, Pasquale Paoli tawh kitelkhial a, France gam laizang lamah pem a, France galkap lut hi.

France ah revolutionary leader Maximilien Robespierre sanggam pa Augustin Robespierre (1763-1794) tawh kithei a, amah tawh Napoleon in nasem khawm hi. Amau pen revolution deihlo kumpi lamte hi uh a,  a sawt lo in Napoleon in brigadier general ah ngah in a zakhang hi. July 1794 in a lawmpa Augustin Robespierre te pawl man uh a, guillotine tawh a lutan sak uh hi. Napoleon zong kiman a, a lutan saklo bilbel uh hi. Napoleon in 1795 kumin France Revolutionary Government te lamah om in major general ngah in a zakhan uh hi.

France kumpipa Louis XVI gum in Europe gam tuamtuam te in French revolution mipi te dopih uh a, 1792 kumpan France’s revolutionary government do huan den uh hi.

Napoleon in France galkalte makaih a, 1796 kumin The Battle of Italy ah Austria galkap te zo hi. October 17, 1797 in Austria tawh “The Treaty of Campo” cih kilemna bawl uh a, France in Austria gam khenkhat ngah hi. July 1, 1798 a kipanin England leh India te kizopna sumbawlna munpi do a, Battle of the Pyramids” ki ci a, Napoleon in British galkapte zo hi.

1799 kumin Syria sim leuleu hi. Syria a sim laitak in France politics hoihlo a, kumpi sungah buaina piang leuleu hi. Tua ciangin Napoleon in Syria a sim khawl san in France ah ciah hi.

Napoleon in France kumpi deihlo ‘the coup of 18 Brumaire’ te tawh kipawl a, French Directory-5 te November 9, 1799 in zo a, Consulate member-3 te in France gam vaihawm uh hi. Consulate khat pen Napoleon Bonaparte hi a, French gam thunei pen te lakah kihel ta hi.

14 June 1800 in Napoleon in “Battle of Morengo” ki ci Italy gam ah Austria galkapte tawh kido a, Italy gam panin Austria galkapte nawtkhia hi. 18 May 1804-22 June 1815 sung Napoleon Bonaparte pen France kumpi suak hi.

1803 kumin Napoleon in France Territory Louisiana 530,000,000 acre pen USA President Thomas Jefferson kiangah $15 million in zuak a, USA State hi ta hi.

2 December 1805 in Austerlitz,  Moravia,  Austria ah ‘the Battle of Austerlitz’ cih gal kidona Austria leh Russia galkap te zo ahih manin Holy Roman Empire bei lawh a, Confederation of the Rhine cih gamkhat piang hi.

French revolution nasia lua ahih manin French mi tampi tak; Britain, Germany, Austria, Prussia leh United States gamte ah galtai uh hi. French revolution hangin thuhoih tampi piang a, Politics, mipi nuntakna, biakna, gam thukhun, tax, economy, civil leh penal law, Catholic leh Protestant kiten theih na, education leh public work, mipiiangko kikimna, Roman Empire a beina, mihing khat in  ama a hih bangin a pulak theihna (Declaration of the Rights of Man and the Citizen), American politics-a “Democratic Societies” hong piankhiatna leh Thomas Jefferson gelkhiat, “Democrats” cih tu dong kizang te pen revolution hang in hong piangkhia a hi hi.

Revolution a nasia mahmah ciangin Spain te in French Revolution te thapiakna in “liberal” cih zang uh a, Latin America ah “Liberalism” ci in French revolution te gen na in zang uh hi.

1798 kumin Napoleon in Ottoman Empire te sim a, Arab mite in minam itna neihna in zang a, “nationalism” thupi sak mahmah uh hi.

French Revolution in France gam tawh kinai te nakpi takin phawngin nationalism khanlawhna te nei uh hi. Ki ukna dingin hoih a sak mahmah uh liberalism sangin a hoih zaw “Feudalism” mukhia zel uh a, ki ukna hoihzaw mipi in thei semsem ta uh hi.

France pen a unitary semi-presidential  republic cih tawh ki makaih a, legislature nih upper house (senate parliament) leh lower house (national assembly parliament) nei hi.
France gam mi om zah 2021 estimate pen 67,413,000 a hi hi.

Veto Power

26 June 1946 in France gam pen vero power nei khat in ki ciamteh hi. United Nations Security Council “Veto power” nei gam 5 bek hi a, tua te in; China,  France,  Russia, United Kingdom leh United States America te a hi hi.

1.  Chinese Revolution
(Oct 10, 1911 – Feb 12, 1912)

2. French Revolution
(May 5, 1789 – Nov 9, 1799)

3. Russian Revolution
(Mar 8, 1917 – Jun 16, 1923)

4. United Kingdom Industrial Revolution (1760 to 1820 and 1840)

5. American Revolution9
(Apr 19, 1775 – Sep 3, 1783)

@NK. Nang

/
A hehpihhuai Numeite, A theihuai thupawl khat, Abraham Lincoln Tangthu, Adoniram Judson Tangthu, Apple Thu, Cidamna lam tawh ki sai, Cope topa Tangthu, DL Moody Tangthu, Gammial na sem te Tangthu, Gamvai Tuamtuam, Gualzawhna Thusim, Hudson Taylor Tangthu, Jackie Chan, Laisiangtho Thu, Laisim in na gualzo ding hi., Leitungah Nuhoihte thu, Lungsim thalakna, Manny Pacquiao Tangthu, Mi haute Gualzawhna Thusim, Mimal Thu tuamtuam, NUPA KAL THU TUAMTUAM, Pasal Hoih, Pasian mizatte Tanagthu, Tangthu tuamtuam, Time of Zomi Laibusaal, Times Of Zomi News

Na lungsim ngaihsutna thupi hi.
* Moses in Egypt gam panin ami te tawh Canaan gam lam zuan in tawl khat hong pai khit ciangin Pasian kamciamna mun a en dingin mi 12 galvil in hong koih a, tuate hong tung kik ciang mi 10 te in amuhna uh hangin alungsim ngaihsutna ki khel in amau leh amau ki en neu in ahihlona pi ahihna bangin ki ngaihsun kha uh ahih manin tua lungsim in guallel sak hiau mawk hi.
* Canaan mite in no leh ko pen kauphe zah in ki kikhai hang ci hetlo a, ahi zongin amau kauphe dan in ki ngaihsun uh ahih manin tua thu hangin Isarel mite na gawn buaisak zo mawk hi.

Ih gen nop bulpi bang hiam cih leh na lungsim ngaihsutna in na nuntakna hong tawsawn den ahihi. Na hihlona khat na hihna dan in ngaihsun kha ngei kei in, na hihlona hong ki gen ciang khasiat zong kullo hi. Joshua leh Caleb in ahihlona pi ahihna dan in la lo a, alungsim ah zong koih kilkel lo ahih manin Buaina vengin apai na ding mun cidam tak leh gualzo takin tung hi. Na nuntakna ah na kalsuan na lampi hong nawng kaisak nuam den thu in na lungsim ngaihsutna pan in hong luangkhia na hihlohna mun na hihna na sak khak thu hi. Saupi na tung nop leh na lungsim ngaihsutna puah in. Gualzo lungnuam in na om nop leh na muh zia leh na muh dan laih in.

Na hihna tel inla na hihlona mun te buaipih sawm kei in. Ahihna uh atel mite in ahihlona khawng tawh buai manlo in abeisa Topa ompihna hangin amailam nuntakna sungah lungnuam in kalsuan den cih phawk in.

Na ngaihsun ngei hiam?
Mite in tua hong ci kei tuacilo ci in na hihlona pi tawh buai den in na om kha hiam?
Mite muhna ah aguallel na hih ding na lau na tawh na hihlona pi ah na buai kha hiam?

Mite in sangpi na Tung ding alau manin na buaina ding gel in na hihlona na hihna dan in hong gen ding a, tua teng tawh nang kei tua ci keng , kei tua bang gam ta keng, en vua ei hong tua cih uh ei tua ci khang cih teng tawh buai in na masuan na kalsuan zawhlona ding uh adeih man in na lungsim hong leh hekna ahihi. Tuate awl mawh kei leng amau ei aguallel apau ngamlo hong sa ding cih na ngaihsutna pen na gal te idea Lian ahihi. Mite muhna ah na hihlona khawng na va dawn kik loh ciang amau aww thuman ai ve maw awl mawh selo hong ci lel in atawpna ah ui bang hi le akha guh akhamciang khawl lel hi. Tua hilo a na va dawn kikkik ciang amau tha ngah semsem zaw hi. Mite muhna ah Thumanlo bangin na om zongin Pasian muhna ah athuman zaw na hih ding thupi zaw hi ven lawm 🙏☄️😍

Na nuntakna sungah abuaipih tak thu leh abuaipih taklo thu na lungsim panin khen telden inla buaipih tak ey hih thu buaipih leng kei ading in manpha ei na cih te bek buaipih sawm in. Nang phattuam na hong pia hetlo thu buaipih in na hun na bei pen pah maih mahmah a, na buaipih thu hangin na lunggimna zong alauhuai mahmah Guza khat ahih lam phawk in.

Lungdam atelsiam dingin lam en ingh.
Laigelh : Theophilus Khual
#theophiluskhuallaikung
#theophiluskhual
#quotes
#article

/
A theihuai thupawl khat, Cidamna lam tawh ki sai, Gualzawhna Thusim, Kangno leh Hanciamna, Khua Tangthu tuamtuam, Laisiangtho Thu, Pasian mizatte Tangthu, Tangthu tuamtuam, Time of Zomi Laibusaal, Zo History, Zogam Tangthu

𝐀𝐏𝐈𝐀𝐍𝐆 𝐓𝐀𝐊𝐓𝐀𝐊 𝐓𝐇𝐔:

Lettama/carpentry sem pasal khat omhi. Zingsang nasem apaisim in Biakinn khat palphei denhi.

Zingsangkhat nasep paikawm, nasepma in Zeisu va nohsiat [နှုတ်ဆက် greet] dihning e ci-in khensatin va nohsiat hi.

Tuani-a kipan nisim in tua Biakinn gei apalsim in asungah valutin Zeisu nohsiat a, “Zeisu aw hong nohsiat dingin hiah om ing” ci hi.

Kumtampi vaikuan kawmin hihden ahihman in kingei naseh tahi.

Nikhat anasep ngeinabang in innkhumzang pan aseplai tak kiasuk aa, anungzang guh nasia liamsim ahihman in Zato kipuak pah hi. Siavuan te’n dam zoloding aa, khantawn in akawng zawcip ding ci hi.

Zato alupsawt pianta ahihman in kisapkhat om aa inn ah avala dingin azi vaciah pak hi.

Azi omloh kal in, puankang silh mikhat cina pa lupna sunghonglut vata, “Kalawm aw nang hong nohsiat a hongpai hi ing” cihi.

Biakinn ah zingsang nasem paikawmin Zeisu vanoh siat zel aa ahizongin adamloh akipat paithei nawnlo ahihmanin Zeisu in amah va nohsiat ahihi.

Damlo pa-in zong Zeisu aw lungdam ing acih lianleh Zeisu paikhia pahhi. Tuakhit phetin damlo pa-in apumpi hong kilamdang vat ahihlam phawk in azawcip pen hongding khia mawk hi. Tutsa in, ngaihsun a’ “kamang ahia” cikawmsa in atut laitak, azi honglut hi.

Azi in alum hithiat dingsa a anatut ciang sikha sa in laulua aa, alarm mek in siavuan tezong hongtai pah hi.

Siavuan te’n damlo pa sita aive maw’ cikawm in songei ngai sa in damlo pa lupna lamah tai ngeingai uhhi. Akhan sung atun uhciang cinapa nuamsa takin tutphah a tu hithiat sa in na om a, Siavuan te’ lutngam pak lo in kongkhak gei pan:

abang ci-a dam nahiam? acih uhleh cina pa-in apiangthute gen hi. Amah [cinapa] pen nasem ding apai sim in Biakinn ah baangin Zeisu vanoh siat ninge ci-a kumtampi apaiden khat ahihnazong genhi.

KUMTAMPI sung Zeisu kiangah vahawh aa, ahizongin ama kiangah Zeisu KHAT vei bek ahawh nahangin nakhempeuh kikhel sakzo hi.

xxx Laisiangtho tampiveipi sim napi khantohna omnasak kei leh…

xxx Thu ngenngen napi in bangmah kilamdang nasak kei leh …

…zomsuak veve lai in.

xxx nang leh kei a dingin Zeisu khatvei honghawh nakleh kicinghi.

Source: the living Word.

/
A theihuai thupawl khat, Gualzawhna Thusim, JPau Do Lian Laigelh te, Kangno leh Hanciamna, Laisiangtho Thu, Laisim in na gualzo ding hi., Leitung thei huai thu tuamtuam, Lungsim thalakna, Mimal Thu tuamtuam, Pasal te thei ding thu, Pasian mizatte Tanagthu, Pasian mizatte Tangthu, PAWLPI SUNG LEH GAMVAI, Tangthu tuamtuam, Time of Zomi Laibusaal, Zogam Tangthu

Iran leh Israe  Lai Siangtho in bangci gen hiam?

/

𝐈𝐫𝐚𝐧 𝐥𝐞𝐡 𝐈𝐬𝐫𝐚𝐞𝐥 𝐋𝐚𝐢 𝐒𝐢𝐚𝐧𝐠𝐭𝐡𝐨 𝐢𝐧 𝐛𝐚𝐧𝐠𝐜𝐢 𝐠𝐞𝐧 𝐡𝐢𝐚𝐦?𝑨𝒕𝒂𝒘𝒑𝒅𝒐𝒏𝒈 𝒏𝒂𝒔𝒊𝒎 𝒊𝒏 𝒂𝒍𝒂𝒎𝒅𝒂𝒏𝒈 𝒕𝒉𝒖𝒕𝒉𝒖𝒌 𝒏𝒂 𝒎𝒖 𝒅𝒊𝒏𝒈 𝒉𝒊. Piancil 10:2 Noah

A theihuai thupawl khat, Gualzawhna Thusim, Tangthu tuamtuam, Time of Zomi Laibusaal, Zogam Tangthu

𝐊𝐮𝐦𝐩𝐢 𝐕𝐚𝐧𝐠𝐥𝐢𝐚𝐧 𝐩𝐞𝐧 𝐚 𝐙𝐨 𝐭𝐚𝐠𝐚𝐡 𝐧𝐮𝐦𝐞𝐢 𝐄𝐬𝐭𝐡𝐞𝐫

/

𝐊𝐮𝐦𝐩𝐢 𝐕𝐚𝐧𝐠𝐥𝐢𝐚𝐧 𝐩𝐞𝐧 𝐚 𝐙𝐨 𝐭𝐚𝐠𝐚𝐡 𝐧𝐮𝐦𝐞𝐢 𝐄𝐬𝐭𝐡𝐞𝐫. Kumpi 𝐀𝐡𝐚𝐬𝐮𝐞𝐫𝐮𝐬, (Xerxes zong akici) pa in Ethiopia pan India dong gam

Scroll to Top