Kangno leh Hanciamna

A theihuai thupawl khat, Cidamna lam tawh ki sai, Cidamna tawh kisai, Kangno leh Hanciamna, Laisim in na gualzo ding hi., Leitung thei huai thu tuamtuam, Lungsim thalakna, Tangthu tuamtuam, Time of Zomi Laibusaal, Zogam Tangthu

Mihing khat Cidamna ding athupi mahmah khat :
Mihing khat nuntakna sungah cidam khansau takin anuntak theina dingin aki sam mahmah thu khat in alungsim Adam ding ahihi.
Tua ahih manin mi thahat tampi, mipil tampi, mi minthang te leh mi hau tampi damlona apia den thu khat in lungsim damlo na pan ki pan khia ahihi.

* LSTho in agen Jesu Kammal mahmah i lungngaih ciangin thu thuk mahmah khat ahi Matthew sungah Vangik pua a gim mi khempeuh aw ka kiangah hong pai un lungsim tawldamna kong pia ding hi ci in Jesu in na gen hi. Hih thu ah I tel pak ding thukhat in pumpi cilesa gimna sangin lungsim gimna in mihing nuntakna lawhsam sak ahih na leh mihing nuntakna sia sak ahihna ki tel mahmah hi.

Lungsim damlo na hangin leitungah nuntakna abei lawh mi tampi om ahih manin siatna sungah i omlo ding Jesu in hong dal nuam gige ahihna ki tel mahmah hi.

Mangkang gam ah papi khat hau mahmah in ahi zongin khat vei alo kho na sem te khat kiangah va hawh a, bang mah neilo ahihna tel na pin lungnuam takin aom na amuh ciang lamdang sa mahmah a, sun Nisa nuai ah khua ul ziat leh vei ah kaai in na sem cin a nitak ciang lungnuam takin na omzawhna lamdang kasa hi. Kei ka hauhna leh ka Pilna sangpi tak hi a, ahi zongin Nisim lunggim den ingh ci in hong gen hi. Tua lokho na sempapi pa in bang ci hiam cih leh ka din mun leh ka hihna en in lungnuam ding hi leng lungnopna ka nei kei ding hi. Ahi zongin Pu aw ka lungsim Vangik tampi te kei puak zawh ding hilo hi. Ken ka dinmun leh ka hihna te ki thei mawh bawlin Jesu tawh hunla den ing tua in ka lungnopna leh ka cidamna bulpi ahihi ci in hong dawng hi.

Tuni in na kiim na kiangah thute en in na hihna lung ngai in na omom leh lungnopna taktak na nei kei ing a, ahi zongin Jesu mitsuan in kalsuan inla, Jesu tawh hunla den le teh na nuntakna sungah lungnopna hong suak ding a, tua lungnopna in lungsim damna hong piangsak ding a, tua lungsim damna in na pumpi taksa damna zong hong suak ding hi.

Lungsim damna dingin Leitung mipil ten agen thu tampi zong om kha mah ding hi. Tuate semlo bawllo ding i hi Tuan kei a, ahi zongin Jesu tawh hunla in kikholhna I hun I vai amah I ap denna pen bang mah dang tawh teh theilo Lungsim damna Zatui hoih pen ahihi.

Na nuntakna dingin na Lungkhamna, na inn kuan adingin na lunghimawhna, na mailam nuntakna ding khempeuh Topa khut sungah ap in, lungkimna leh lungnopna in hong zui peuh leh tua in na sep na bawl na dinmun ah zong Lungkim zawhna taktak hong piang ding hi.

Lungdam:
Laigelh : Theophilus Khual (Nov. 15/2024)

/
A theihuai thupawl khat, Cidamna lam tawh ki sai, Gualzawhna Thusim, Kangno leh Hanciamna, Khua Tangthu tuamtuam, Laisiangtho Thu, Pasian mizatte Tangthu, Tangthu tuamtuam, Time of Zomi Laibusaal, Zo History, Zogam Tangthu

π€ππˆπ€ππ† π“π€πŠπ“π€πŠ 𝐓𝐇𝐔:

Lettama/carpentry sem pasal khat omhi. Zingsang nasem apaisim in Biakinn khat palphei denhi.

Zingsangkhat nasep paikawm, nasepma in Zeisu va nohsiat [နှုတ်ဆက် greet] dihning e ci-in khensatin va nohsiat hi.

Tuani-a kipan nisim in tua Biakinn gei apalsim in asungah valutin Zeisu nohsiat a, “Zeisu aw hong nohsiat dingin hiah om ing” ci hi.

Kumtampi vaikuan kawmin hihden ahihman in kingei naseh tahi.

Nikhat anasep ngeinabang in innkhumzang pan aseplai tak kiasuk aa, anungzang guh nasia liamsim ahihman in Zato kipuak pah hi. Siavuan te’n dam zoloding aa, khantawn in akawng zawcip ding ci hi.

Zato alupsawt pianta ahihman in kisapkhat om aa inn ah avala dingin azi vaciah pak hi.

Azi omloh kal in, puankang silh mikhat cina pa lupna sunghonglut vata, “Kalawm aw nang hong nohsiat a hongpai hi ing” cihi.

Biakinn ah zingsang nasem paikawmin Zeisu vanoh siat zel aa ahizongin adamloh akipat paithei nawnlo ahihmanin Zeisu in amah va nohsiat ahihi.

Damlo pa-in zong Zeisu aw lungdam ing acih lianleh Zeisu paikhia pahhi. Tuakhit phetin damlo pa-in apumpi hong kilamdang vat ahihlam phawk in azawcip pen hongding khia mawk hi. Tutsa in, ngaihsun a’ “kamang ahia” cikawmsa in atut laitak, azi honglut hi.

Azi in alum hithiat dingsa a anatut ciang sikha sa in laulua aa, alarm mek in siavuan tezong hongtai pah hi.

Siavuan te’n damlo pa sita aive maw’ cikawm in songei ngai sa in damlo pa lupna lamah tai ngeingai uhhi. Akhan sung atun uhciang cinapa nuamsa takin tutphah a tu hithiat sa in na om a, Siavuan te’ lutngam pak lo in kongkhak gei pan:

abang ci-a dam nahiam? acih uhleh cina pa-in apiangthute gen hi. Amah [cinapa] pen nasem ding apai sim in Biakinn ah baangin Zeisu vanoh siat ninge ci-a kumtampi apaiden khat ahihnazong genhi.

KUMTAMPI sung Zeisu kiangah vahawh aa, ahizongin ama kiangah Zeisu KHAT vei bek ahawh nahangin nakhempeuh kikhel sakzo hi.

xxx Laisiangtho tampiveipi sim napi khantohna omnasak kei leh…

xxx Thu ngenngen napi in bangmah kilamdang nasak kei leh …

…zomsuak veve lai in.

xxx nang leh kei a dingin Zeisu khatvei honghawh nakleh kicinghi.

Source: the living Word.

/
A theihuai thupawl khat, Gualzawhna Thusim, JPau Do Lian Laigelh te, Kangno leh Hanciamna, Laisiangtho Thu, Laisim in na gualzo ding hi., Leitung thei huai thu tuamtuam, Lungsim thalakna, Mimal Thu tuamtuam, Pasal te thei ding thu, Pasian mizatte Tanagthu, Pasian mizatte Tangthu, PAWLPI SUNG LEH GAMVAI, Tangthu tuamtuam, Time of Zomi Laibusaal, Zogam Tangthu

Iran leh Israe  Lai Siangtho in bangci gen hiam?

/

𝐈𝐫𝐚𝐧 π₯𝐞𝐑 𝐈𝐬𝐫𝐚𝐞π₯ π‹πšπ’ π’π’πšπ§π π­π‘π¨ 𝐒𝐧 π›πšπ§π πœπ’ 𝐠𝐞𝐧 𝐑𝐒𝐚𝐦?π‘¨π’•π’‚π’˜π’‘π’…π’π’π’ˆ π’π’‚π’”π’Šπ’Ž π’Šπ’ π’‚π’π’‚π’Žπ’…π’‚π’π’ˆ π’•π’‰π’–π’•π’‰π’–π’Œ 𝒏𝒂 π’Žπ’– π’…π’Šπ’π’ˆ π’‰π’Š. Piancil 10:2 Noah

A theihuai thupawl khat, Kangno leh Hanciamna, Khua Tangthu tuamtuam, Leitung thei huai thu tuamtuam, Lungsim thalakna, Tangthu tuamtuam, Time of Zomi Laibusaal, Zogam Tangthu

ZOMI KHIATNA KHAMTUNGMI CIHNA

– Thang DL Pau Mung

Zomite in i tangthu (history) i gen uh ciangin Sen gam (China) panin i pan tangpi uh a, tua ma lam i tel ban nawn kei uh hi. I pupi min pen Pu Zo hiin i thei uh hi. Pu Zo ii a suan leh khakte ihih manun Zomi hi hang i kici uh hi. Sen gamah Chinese (Qin)-te hong khan maa khang masa β€œZhou” kicite i pi i pute hi dingin i tuat uh hi. Hih Zhou kicite in 1046 BC panin 256 BC dong Sen gam uk uh hi.

Mi pawlkhatte in khamtung gama om mualtung mi ihih manun Zomi a kici hi hang ci uh a, pawlkhat in khamtung gama i om man hi loin i pianna pupi a min Zo ahih manin Zomi a kici hi hang, a ci zong om hi. Hih thute pen tu laitaka i zat laite (script) tawh a kigelh history i neih ma pek thu ahih manin koi maan zaw a, koi khial zaw cih theih khiat ding haksa hi. Tua ahih manin hih thute a maan taka i tel theihna dingun tanglai Sen gam tangthu (Ancient Chinese History) i kan loh phamawh hi.

1. Pu Zo i cih kua hi ding hiam?

Lai thei loin khang tampi i om uh hangin tu ma kum tulthum hun lai peka om β€œZo” a kici pianna pupi khat a nei ihih lam i mangngilh tuan kei uh hi. Hih Zomite’ pianna Pu Zo kua hi peuhmah ding ahi hiam ciin ka kan ciangin hih bangin Sen gam tangthu ah ka mu hi: 

Pu Zo kici pen a min taktak Hou Ji hih tuak hi. Lokhawh singpuakzia a thei masa leh mite a sinsak mipil khat bangin kiciamteh hi. Amah in minam neute gawm khawmin β€œZhou” minam phuankhia a, Zhouyuan kual (region) ah tengkhawm sak hi (Zhouyuan pen Zozang cihna hi). Amah pen Zhou minam ngeina (culture), kithoihna leh biakna ngeina (rituals), thukhun leh pawi tuamtuam (ceremony), leh tangta hinkhua (social norms) a sekkhiapa hi, ciin kiciamteh hi. Zhou minam a phuankhiapa ahih manin β€œZhou mite’ Pa” (Father of the Zhou People or Ancestor of Zhou) ciin zahtakna kipia hi. Zhou kumpigam β€œZhou Dynasty” piankhiatna bulpi zong amah ahi hi. Tua ahih manin Zomite in Pu Zo i cih niloh pen hih β€œHou Ji” hi ngel dingin ka lamen hi.

2. Bang hangin Zhou min kipuasak hiam?

Bang hangin Sen gama Zhou minamte Zhou cih min kiphuah uh hi ding hiam cih ka kan leuleu ciangin hih bang dawnna ka ngah hiβ€”Zhou a kicihna hang uh pen a pu a pa’ tang-khua (ancestral homeland) Zhouyuan ahih man hi, kici hi. Zhouyuan pen tu laitaka Zhouzhi County, Shaanxi Province teng ahi hi. Zhouyuan khuasuak ahih manun β€œZhou” mi a kici uh na hih tuak hi. A tunga i gensa bangin Hou Ji in minam neute gawm khawmin Zhou minam phuan a, Zhouyuan ah kiphualpih hi. Tua mun pana hong khangkhia mite pen Zhou mi hong suak uh hi ding dan hi.

3. Zhou kammal in bang khiatna nei hiam?

Tanglai Sente in Zhou a cih un bang khiatna nei hiam cih ka dot ciangin dawnna point li hong kipia hi:

1). Hill or highland – mual ahih kei leh khamtung gam
2). Mountainous regions – mualtung gam
3). Western Region (in contrast to the eastern plains) – Ni tumna lam gam (Ni suahna lam pen zang gam hi a, tua tawh kilehbulhin ni tumna lam gam pen khamtung gam ahi hi. Tua ahih manin Western Region a kicih ciangin khamtung gam genna ahi hi).
3). Province or region – gamke, gam khen (kual/khawk).

Sen-te tangthu bu nihte in Zhou a hilhcianna uh Mang lai tawh en lai vet pak ni:
– Shujing (Book of History): β€œZhou” described the hilly regions west of the Zhou Dynasty’s capital.
– Shaning (Book of Odes): β€œZhou” referred to the mountainous areas inhabited by the Zhou people.

Hihte panin bang thu mu thei i hiam cih leh β€œZhou” cih pen khamtung gam genna, Sen gam ni tumna lam mualtung gamte genna na hi gige hi.

Thu mong hialna

Hih a tunga i gente panin hih bangin i thu mong kihial thei ding hi. Pu Zo i cih tawntung pen Hou Ji hi kha ding hi. Amah pen β€œZo” (Zhou) minam a phuankhiapa, Zo Kumpigam (Zhou Dynasty) a phutpa ahih manin β€œZo mite pianna pupi” kici hi. Amah leh a mite Zhou a kiphuahna uh a hang pen Sen gam ni tumna lam, khamtung gam ah teng uh ahih manin β€œKhamtungmi” cihna β€œZhou” a kiphuak uh hih tuak hi. Tuni dongin i pau ah β€œzo” cih kammal pen khamtung gam, mualsang dawnte genna hi lai hi. Tua ahih manin Pu Zo ii a mite ihih manin Zomi hi hang cih zong a maan veve hi a, Pu Zo leh a mite Zo (Zhou) a kichna hang uh pen mualtungmi ahih man uh hi, cih zong a maan mah ahi hi, kici thei dingin ka mu hi. 

Source: Meta AI (Artificial Intelligence tungah dotna tampi ka bawl a, aman Sen gam history bu tuamtuam siksanin dawnna hong pia zel hi. Tua ka dotna tuamtuamte hong dawnna panin hih thute a hong gelh khia ka hi hi. Ka upmawh thu kong genna hi a, maan lo thei veve hi. Sen gam Zhou-te tawh i kisai kha kei thei veve hi).

/
Scroll to Top