HUDSON TAYLOR (History)
Amasa in zahtaakna i pia hi.Ih lungngaih ding tangthu in Pasian gam adingin amialna gam ( China ) khuavak atangsak Taylor thu ahihi.
*James Hudson Taylor pen James Taylor Amelia Hudson leh Amelia Hudson sung panin 21/5/1832 kum in Barnsley,Yorkshine ,UK ah suak hi.Unau 3 pha hi.Royal College of Surgeons ah pilna sin hi.Azimsa pen Maria Jone Taylor hi aa,azi2na pen Jannie Taylor ahihi.Tanuta pa avek in 7nei hi.
*Hudson Taylor pen amial mahmah gam leh alian mahmah gam ahi,Sengam(China)gam ah mission na sem pa ahihi.Gammial na semtampi lak ah alawhcing mahmah khat zong ahihi.Taylor kum5 aphak in ka golciangin Sengam ah Pasian thupuak ding ci-in,gen khia den hi.Kum17aphak kum in cim mahmah in laibu sim kawikawi aa,tualak ah hotkhiatna cih laibu khat sim kha in tua asim Pasian kammal in anuntakna khel vat hi.Tua hunsungin anu khualzin hi aa,akhual zitna pan in Taylor pianthak nading ci-in,thu angenngen khat ahihi.Apian thak aa kipan in Pasian adingin ahihthei na zahin anuntakna zang to pah hi.Alungsim ah gammial na sep ding bekbek om ahihmanin gammial na semleng ahaksat ding cih thei khin ahih manin annek,tuidawn ,omdankhawl dan pen ahih theina zahin hanciam toto in,apumpi bangin alelh hun tamveipi om zelzel hi.Lawm ngaih khat nei in tua nupen Miss Vaugh hi aa,tua nuin gammialnna sep ding awi het lohi.Ahi zong in atup agelna pen alungsim ah koih zaw ahih man in ,Kum21aphakkum 1853 ciangin Gammial nawk ding ci-in,amah kia khuazin aa,Sengam Shianghai khuapi hong tung hi.Pasian na sem atung masa ten’ pilna nei lo ci-in,en neu mahmah uh hi.Tua kawm kal ah Sumlehpai haksa lua ahihmanin Lungkia mahmah hi.Tua bang ahih kawmkal ah senpau sin toto in alungkia semsem hi.Sengam aveina bang beidektak liang hi.Ka khan sungin senpau siam kei ning bang ci zawzen in alungkia hi.Ahi zongin Pasian amuanna lian sak mahmah hi.
Taylor in gammial nasem dang te tawh om khop nopsa mahmah lo hi.Ahang in alawm ten’Pasian nasep sangin leitung thulam nopsa zaw hi.Thadah zong sa mahmah hi.America gampan apai pawl khat te kampau bang kihhuaisa liang hi.Tua baan ah alawmten’en neu mahmah uh hi.Sengam atunzawh kum1maa in sengam tawtawng lam ah zin khia vingveng hi.Yangze gundung zui toto in,Pasin thu aki zak nailohna khua 60bang nawk to hi.Tua gammi ten’mikangte mu ngei lo ahihmanin lamdang sa in en ngeingai uh hi. Taylor in zong Sente muhna aki lamdan na dingin amau ngeina zuih ding cih ngaihsun pahin ,tua hunlai aa senpasal te omdan in om pah hi.Senpuan tual silhin,asamzong alu kiim lam teng kiatin aom laiteng phek pahin ,amah ahihleh alungkim mahmah hi.Ahi zongin gammial na sem syapawk khat in haisa mahmah tua bek hilo in,England gam aa om inn kuanten tuathu azak teh dahmahmah uh hi.Sengam atuncil lai aa akizoppih ahi Chines Evangelation Soceity ten’ 1857teh gi nasaloin aki zopna uh hong phiat mawk hi.Tua takciangin Pasian muanna tawh amah kia in ahi thei bangin na sem toto hi.England aa om alawmnu in hong khen ciangin Elizabeth tawh ki ho na pin’ lemlo hi.Tua hun sungin tuipi ngei Ningpo ah hawh leh Maria Dyer aki ci nungak khat tawh ki thei hi.Tua nu ii nuleh pa te pen’ sengam ah Pasian na semin aom hi aa,tua nu sengam ah suak ahihi.Ahi zongin anulehpa in nusia baih hi.England gam ah pilna sin amankhit teh sengam ah paikik in Miss Aldersey aki ci nu sang ah asem ahihi.
Hudson Taylor leh Maria hong ki it na ,Miss Aldersey in athei teh awi hetlo-in,Pilna neilo,ki pawlpih zong neilo,senpuan silh deldal lai ci-in,ko gawp lai hi.Tua bek hi lo-in,Pasian na sem pawl khat in Maria adingin Taylor ki cinglo hi ci uh hi.Aki it veve uh teh zum inn dong tun liang uh hi.Amau acihna ding thei lo ahihman in Maria akem apano England aa om laikhak uh aa ,ahi zongin Apano ahi Willliam Tarn in Taylor thu te kanmasa in lai gelh kik ciang awi ing ci ahihmanin 1/20/1858in Rev.Samuel Dyer in siangtho kitenna tawh letthat hi.Aki tenzawh uh teh Ningpo ah kum thum sung na sem uh hi.Maria pen pilna nei,mici tak ahih manin,Taylor ki sapna bang huhzo mahmah hi. Ahi zong in Maria cidam lo ahih manin 1860kum teh akhuan saupi la-in,England ah ciah uh hi.Tua sung un England ah Taylor in pilna sin toto in,Membership of Royal College of Surgeons ah pilna sangpi ngah hi.Hih hun sungin sengam pan apaipih sente khat tawh (sen,Ningpo)LSTho thak phuah pha uh hi.Athupipen anasep uh pen China Inland Mission(CIM)ki pawl na 1865 in phuan khia uh hi.Khual zinkawikawi aa,athungen te in milungsim bun mahmah hi.Tua hunlai in England gam sungah Pasian mizat mahmah ahi Charles Sourgeon bang in “Mr.Teylor thungen te i zak ciangin i bilkha ah SENGAM,SENGAM ci bekbek ki zaza hi ci-in gen khia hi.Taylor kammal zat bulpi in Ni khatin Pasian theili in mi awnkhat bang si ziah” cih kammal nakzat mahmah hi.
1866 kum in Taylor te inn kuan leh na sem thakding mi15tawh England pan in sengam hongzuan uh hi.Amau pai maa in mi8 ki sawl khia lai ahih man in lawmphuai,angtan huai mahmah hi.Taylor te hong paipai in Amausung ah ki thutuak vetlo na om mawk in,Sengam atun mabangin kikhen thak gawp dektak liang uh hi.Sengam atun teh Taylor in Senpuan tual khuisak pah in pawl khat in silhnuam lo sawnsawn uh hi.Ki langneihna om mahmah in mailam hun ding bang hoih lo zah dong tung mawk hi.Tua kawmkal ah Taylor tanu kum8pha Gracie Taylor damlo in,asawtlo in hong si mawk hi.Ahi zongin hihsihna hangin amau lawmtateng tungah ki it na kikhualna hong khang sak mahmah in nuamtak in maa baan zom thei uh hi.Tua takciang in Taylor in Ki lemlohna kithutuahlona ki langdona te avenna dingin Pasian in ahunlap in na hongsem hi ci hi.
Amau sung buaina hongven ciangin apualam pan buaina hong om leuleu hi.1868kum in Yangchow khuapi ah Senmigilo te in azumpi uh hongluh in meitawh hal sak hi.Taylor leh azi bangpen asuak ta liamliam bek ahihi.Tua kawmkal ah amau bangmah thuk kik lo na pin’ England gam panin anaseppih CIM te in sente tawh ki zopna siasak,mangsak ci in mawhsak dikdek uh hi.Hih thute hangin Taylor in thuakhaksa lua in,amah leh amah ki thah ding ngaih sun in,ahi zongin alawmpa laikhak in tha pia kik hi.Tua in(Mi hing hanciam zawh thutawh ki peipei ding hi lo-in,ih vaiteng Pasian ap aa,amah tung ah ki ngak hithiat ding ahihi”cih in Taylor lungsim sukha lua hi.Tua thu hangin Taylor in hi dan in ciamteh hi.(PASIAN IN TUANI MITHAK HONGSUAK SAK HI)ci hi.
INN KUAN SUNG HAKSAT NA.
*1870 kum ciangin atate England gam ah sangkah sak ding honghanciam in khentatna hong nei uh hi.Kum5apha Summy pen apate tawh kikhen ding ngaihsun zolo baan ah,Dammel lo-in hong om aa apai maa deuh Febkha in hong si hi.Aom lai ata thum te anaseppih ahi Emily BathCheity tawh march in England zuasak hi.Atate tawh Maria leitung ah aki khen tawpna zong ahihi.Tua hun sungin Maria naupaai a,dampih vetlo lailai hi.Tua bangkawm kal in tapasak no khat hong nei aa kal2bek nungta hi.Tua khit teh hongsi aa asawtlo-in Maria zong hong si hi.Taylor lungzuag mahmah in om ta hi.Alungzuag khua ngai in aom na munpan in Hangchow ah hong zon hi.Tua laitak ah kum25pha nungakJannie Faulding Pasian nasem khat tawh hong ki mu uh aa ,maikum teh Engkand ah ciah in hong ki teng uh hi.England atunteh Taylor atate tawh ki mu-in,nuamsa mahmah hi.1872 kum ciang azi Jannie tawh Sengam mah zuan kik uh hi.Sengam ah anasepna uh hongtangzai mahmah hi.Sengam hi leh England gam hi leh kipawl na om in tua hong buai tuak mahmah uh hi.Taylor in Sengam buppi ah Pasian thungen ding tupna hong nei hi.
1990kum June kha in Peking kumpipa hong khan ciangin gamdang mipeuh mah that in Tapidaw biakna bulpan longkhia ding ci in thupia hi.Gammail na sem 135leh atate uh mulkim huaitak in that ziah”uh hi.Shangsi gamke sung bekbek ah CIM nasem mi91in thah na thuak uh hi.Hih hunlaitak in Taylor pen Switzerland gam ah lungsim damlo na hang in atawl ngak sung hi aa,alawmte akibwl siatna azak teh na salua in,alungkham mahmah hi.1902kum in apanmun khawl aa,Azi Jennie asih khit 1904kum dong Switzerland ah om suak hi.1905kum ciangin Sengam hong paikik aa ,atunzawh kha1ciag nuamtak in Leitung nusia hi.
*Taylor kammal thupi te leh mailam ah sim khawm kik ni.
HIH THU PAN THA LAK NA
*Pasian adingin i ki piakna pen nop mahmah ding cig ngaihsutna hi masalo aa,ih phut khak ding thute telkawmsa in sem n,
*Pasian na sepna munah hong nawng kaisak thei ding thute i nusiat ciang in lawh cinna ki ngah pan hi.
*Ih lam et bei hun om mah in teh ahi zong Topa muang in kalsuan ni.
*Miten’en neu kha mah in teh mihing tung ah ki nga kei ni,
*NA THUAK HAKSATNA TE NGAIHSUN IN Taylor dan in thuaksiam in.
Lungdam
Theophilus Khual.
Etkak Laibu
Google pan Hudson Taylor Biography
Christian Literature Society of China 1911.
The Tract that Saved Dear Hudson Taylor Poor Richard.
Dr.Munglai gelh na pan gawp thuah hi.
