Spread the love
India leh Pakistan kikap khawl ding cih alangnih in thukimna om ta ci in USA President Donald Trump in pulak
May 10/2025
Times of Zomi
India leh Pakistan te kikapna hangin Leitung patau mahmah a, tua hangin USA te in palai hong sem pah uh aa zanthapai in thu kikupna hong neih pih khit ciangin hih kikapna khawl ding cih thu khensatna hong nei uh ahih manin ka lungdam mahmah hi ci in Trum in amah neih Truth Social media ah pulak hi.
India gam gampualam thusaipipa Vikram Misri in India leh Pakistan a langnih in tuilam, vanlam leh leilampan kikapna tuni tak 5:00pm in khawl ta ci in pulak hi.
Pakistan lampan in Ishaq Dar in kikapna kikhawl takpi hi cih kipsak hi.