𝐈𝐍𝐍 𝐍𝐀 𝐓𝐔𝐍𝐆 𝐍𝐀𝐈 𝐊𝐄𝐈 𝐇𝐈.
Kum simin October kha hongtunciang Pasian nasemte pahtawina kipia in social media ah kisuaksak zihziah a, thangah huai mahmah hi. Ahizongin Pasian nasem citak mahmah tampite kiphawk khalo om cihpen akua mahpeuh in sangthei hi. Tuate lak ah hong sukha pen in anuai aa ahihi.
𝐇𝐞𝐧𝐫𝐲 Clay 𝐌𝐨𝐫𝐫𝐢𝐬𝐨𝐧 (March 10, 1857 — March 24, 1942), Tennessee leh azi Africa gam ah kum 40 sung missionary sem uh a, mitampi in gupkhiatna ngah hi. Akum uhcingpianta in cidamna hoih nawnlo ahihteh ci-in US gam ah hongciah uh hi.
Atuanna tembaw pi New York tembaw khawlna atunkuan ciangin mihonpi in tua tembaw nadawnding in tuipi nawl ah omzihziah aa, flag/ alan tawh peengkul muut tawh mipi soziahziah hi.
Ahizongin nahilo-a, US President Teddy Roosevelt leh alawmte teng tembaw pan hongpai khia uh a, President Roosevelt in Africa gamah nipi thum sung sabeng in apai akileh kik nahihi. Mawtaw hoihpen tawh mipi in President pa nadawn hi.
Tua ciangin Henry Morrison tenupa zong tembawpan kumsuk uh-a, kuamah in nalimsaklo, nahopih lo hi. Mission Board te’n asap sak uh apartment ah ciahsuak uh a, Morrison in khuaneu tampi ah hamsatna thuakin mitampi takzong piangthaksak inga, kum 40 kasepna kuamah in hong theihpih lo-a maw? ci-in a room sungah thaneem mahmah in omhi.
Morrison in “Top aw, President pan kalthum sung sabenga paibek party bawlziahziah uh a, ko nupa kum 40 sung kanasep uh, kua man hongna muak lo” acih leh, Topa in “𝑲𝒂𝒕𝒂 𝒂𝒘, 𝒊𝒏𝒏 𝒏𝒂 𝒕𝒖𝒏𝒈𝒏𝒂𝒊 𝒌𝒆𝒊 𝒉𝒊” thuaksiam in ci hi. Tuaciangin Africa tulsawm te vantung kongkhakpi ah adawn dingin kamu ci hi.
“𝑂𝑢𝑟 𝐼𝑛𝑐𝑟𝑒𝑑𝑖𝑏𝑙𝑒 𝐽𝑜𝑢𝑟𝑛𝑒𝑦 𝐇𝐨𝐦𝐞” by Harry Ballback, 2019. Pan in ka teisawn ahihi.
𝐍𝐮𝐧𝐭𝐚𝐤 𝐩𝐢𝐡 𝐡𝐮𝐚𝐢 𝐭𝐡𝐮𝐭𝐞.
Pasian nasem taktak te kipah tawina dingpen vantung hizaw hi. Banghang hiam cihleh amaute in leitungah bawlsiat thuakin gimthuak uh ahihman ahihi.
Pasian nasem, Moses leitungah kipah tawilo hi.
Pasian nasem, David leitungah thahdingin kizongzong zaw hi.
Pasian nasem, Elijah kithahsawm ahihman in lau-in tai hi.
Pasian nasem, nungzuite kipahtawi lolua-in sihsiatawh kithat hi.
Pasian nasem, LST bu 14 agelh Paul kipahtawi loin thongkiazaw hi.
𝐋𝐞𝐢𝐭𝐮𝐧𝐠𝐚𝐚 𝐏𝐚𝐬𝐢𝐚𝐧 𝐧𝐚𝐬𝐞𝐦 𝐚𝐤𝐢𝐩𝐚𝐡𝐭𝐚𝐰𝐢 𝐤𝐡𝐚𝐥𝐨 𝐭𝐞-𝐚𝐝𝐢𝐧𝐠 𝐓𝐨𝐩𝐚 𝐢𝐧 𝒊𝒏𝒏 𝒏𝒂 𝒕𝒖𝒏𝒈 𝒏𝒂𝒊 𝒌𝒆𝒊 𝒉𝒊’ 𝒉𝒐𝒏𝒈 𝒄𝒊 𝒅𝒊𝒏𝒈𝒉𝒊.
Source: J Pau Do Lian Fb pan
