Judson tangthu ka sim takciangin thu tampi hong phawk sak a,tua sungah khangthakte ading in i lakthei ding tampi om ahih man in kong hawm sawn nuam hi.
Judson kammal “Ka it ka ngaih teng tawh ki khen in,apau aham zong ka tello Kawlgam ka tung man in ki sikkik ngei keng”. Ka nusiat dingte nusia in ,Anuampen mun tello in Pasian deihna ka teel man in,ka thuak haksatnate pen Topa Khasiangtho in hong thuak pih hi zaw hi.
Adoniram_Judson pen August9/1788 in Malden, Middlesex County, Massachusetts,USA ah suak hi. Kum16 acin kum August 17/1804 ni-in Rhode Island & Providence Plantation (tun Brown University)ah pilna hongsin a (September 2,1807 kum in BA hong ngah hi, asangkah sungin Jacob Eames tawh hong ki lawmta mahmah a tuapa pen(atheist-Pasian umlo)hi-a, tuapa hangin aneupan in a upna na gawn pengsakin Pasian omlo kullo cihzah zongin alawppa in na zo gawp hi. Alawm it mahmah Eames aci hongna in asihma in honghon in c-in ataungaungau aw Judson in hong za a,,lamdangsa mahmah homh om hi. Azingciangin Mr. Eames sita ci in hong ki gen hi. A lawmpa sihna hangin a upsa amuansa Pasian om taktak hi cih hong kiplet kik a, Andover Newton Theological Seminary ah Pasian kammal hong sin a, hih hun sungin Dr Claudius Buchanan thugen ” Nisuakna Aksi- The star in the East” cih thuhilhna hangin alungsim gammial nasep ding hong om hi. 1808 December 2 in ” Ki niamkhiat takin Pasian tungah ka ki ap hi” ci-in teci hong pang hi.11812/Feb/5in Rev.Panson in Ann Hesseltine tawh Siangtho pumkhat suah na hong nei hi.
*Judson kawlgam ah gammial nasem ding ci in akhentat laitak in sumlepaai akicing ahuh ding apanpih ding akicing piikpeek aneihman sa kha kei ni!Khuamial gam khuavak taan nading in sumlepaai akicing hun ngak hi le kawlgam hong pai lo ding hi. Khuamial gam nawk nang in akicing ngaklo in Pasian up na tawh hong khensat ahihi.
*Gammial na sem ding ci in akhensat takciang in,Kalsuan ding zong khentat na hong nei a,tua ahihman in apawlpi Pastor Allen in apna hong nei hi “Pawlpi Lutang avaanglian JesuChrist kepcing na sungah kong ap hi, Gualzawhna lasa kawmsa in hong tungkik ding cih ka um hi “ci-in ap na anei laitak in akisam sum le paai pen kicing nailo hi. Akisam sum ahih le$5000hi a,Pawpi neihsa$1200,tua kikhop ni in $220 ngah in aki sam laiteng zong beh ding hong suakta hi.Tembaw paima in ahithei bangin hong zong uh aa alamdangtak in Topan hong sik a kipawl nakht pan in $6000 ki pia a,aminpen ki gen lo hi,tua kawmkal ah lai ip khat ah”For Mr.Judson personal used”ci in $50 azat tawm ding hong ngah thuah hi.
TEMBAW tawh America gam pan gammial nawk dingin hong ding khia in,anuam mahmah America gam nusia in,A it leh angaih mitampi nusia in sal bangin hong ding khia uh a,apai khiat zawh ni 122 khit teh Judson zi Ann in hi dan in gen hi,Ko te’n ni122 kapai khit uh ciang leimaitang mu ta ci-in lungdamlua ahih manin alaibu sungah naciamteh hi.
INDIA_GAM India gam hong tungtak ciangin,Kawlgam thule late hong kan in, Kawlgam haksatna ,lungtang khauhna mite ii hihna hong thei khia uh a,English Baptist ten zong Mission khah uh aa ki lam dangna om kei tuaci tuaci ci-in ki gen dikdek hi.Judson Kawlgam hong pai ma-in Felix Carey ,Wiiliam Carey tapa upen te hong pai khin hi aa ,ahi zong in senpi lo ahih man in agual zo lo hong suak hi.
Judson India gam hong tung laitakin, India gam ah Dr.William Carey pen na minthang mahmah aa,tua ahih man in kimuh ding hong hanciam uh a zong hong ki mu in,thu tampi hong ki kum uh aa, tua lai tak in Carey in athupi mahmah kammal khat hong gen khia hi,(Don’t consider Burmar, It would be next to impossible to establish a ministry there no matter how desperately Burmar needed in the bible in their own tongue) Kawlgam peuh mah ngaihsun nawn ken, Kawlgam miten amaulai tawh LST neih ding pen ki sam mah hi, ahi zongin tua mun ah gammial nasep ding pen piangtheilo ci-in gen pih hi, Banghang hiam cih le Carey tapa mahmah Upen Felix zong apaizel hi a, Kawlgam thupen atel mahmahman in deihsakna tawh agen ahihi, Judson pen lunghiang tuan o a, alungsim pan in Kawlgam paikhiatuan{Lakhiazo} lo hi (Judsons could not shake Burmar out of their hearts) , Ahizongin khuahun pen hoih mello hi , Tua hun pen England le American te kido ding cih thu athang mahmah kawm kal ah Judsonte ading ngaihsut zawhlo thuhaksa tampi hong om hi. Koi lamzuan mawk ding, india ah lah om nang omlo,Kawlgam lah senpi nai lo,China(sengam)lah piang theilo ci in Lungkham mang bang in khitui naptui tawh hong om uh aa Judson in William College ah Professor sep ding ngaihsun a zong senpi tuak mahmah hina pi in,thu hong ngaih sunsun in, anunung ah hihna sep asem ding in United States pan apai hi zenzenlo, Pasian in zong hi ciang hong makaihna pen hih nasep asem ding hilo ci in khen sat in,Kawlgam lutthei nag hong hanciam uh hi.
JUDSON_Le_Ann Anupa in,LalBazaar Church in Culcuta ah William Ward in September 6. 1812 in Tuiphum na nei hi. America pan ading khiatni pan ahaksatna tampi om hi, acingin at diudeu zolo ka hihman in telsiam un.
*Pasian huhna tawh vai haksa tampi om kawm kal ah ah Topan amite nusialo ahih man in, 1813_July_Tuesday in Kawlgam khuapi YANGON hong tung uh a, tulaitakin Yangon apai peuh mah in tunglo phamawh i sakna Sule kiim ah om nang zong in Judson le Ann pen khitui naptui tawh aki lehleh na ahihi.Judson zi Ann in kawlgam mite tawh om khawm ka hih man un ka lungsim uh ah si ding maw hing ding cih bekbek om ci in gelh hi.
#Kawlgam hong tun teh anu pa un ahi thei zah in na sep hanciam in pau lam zonh na sia tak in kan pah uh a,Ann ahih le Judson sang in Kawlpau siam baih zaw ci in na ciam teh uh hi.Judson in kawlgam mi te khat sang kawlpau siam zaw ding cih giim na nei in,amasa in Burmar Grammar bwl di giim n nei hi.Judson pen hanciam lua in Ni khat in nai12 bag laien hi.
Kawlgam hong tung ciangin Judsonin kawllai,kawlpau hongsin uh a, Judson lai hanciamna tawh kisai azi Ann in hi dan in gen na nei hi.Khan sung enleng Sabuai tungah aom zihziah kawllai bu le Mr.Judson le angei a siapa atu ka muh ciang asiapa bang hehpihhuai zawzen ci in na gelh hi. Ann in hih gam hong puak Topa tung ah Lungdam koko ung ci hi. 1816 kum in Roger Judson hong si a,hih sihna hangin Judson natlawhgawp in thanem lawh hi. Ahi zongin laitawh anasepna te khawllo in tha hongla toto in 1817 Kum6 valbang lai hong sinkhit caingin “Tapidaw Biakna thu- A view of the Christian Religion ” cih laimai 7 apha hong hawmkhia zo hi. Ava-a Hindu Siampi asem ngei khat kiangah kawllai hongsin masa a, tua khiat ciangin U Aung Min akici pa kiangah hong sin beh hi. Lailam hong hanviam mahmah a Lstho zong kawllai tawh hong letkhia in thuciam thak buppi July 112, 1823 in hong zo hi. Thuciamlui leh Thuciamthak pen avekin 1/31/1834 in hong zo siang a, December 29/1835 in sim thei dingin mansiang hi. Lailam bekbek tawhna sem ahih manin Judson-manglai-kawllai Tongdot zong 1843 in hong bawlsak hi.
Judson said “If the world was all before us where to choose our place of rest,we should not desire to leave Burmar”ci in na gelh tang”uh hi
Ann in kawlgam ka tungcil nitak pen ka lungkhamlua in ka lungkia dikdek hi ahizongin Pasian muantheina KST in hong guan in tua khit teh ka lungkhamna teng khempeuh hong huh hi ci in gelh hi.
Felix_carey Yangon tawmvei hong zin sungin Judsonte khangtona pausiamna muhtak ciang in ,kawlgam pai ding a kham piangthei kei aci Culcata aom apa Willliam Carey lai hong khak aa “Amau te hih nasep na pan lawhcingzo takpi hi ” cih ki paak takin gelh khia hi. Ngaihsun in sanggam aw Pasian hongsapna ahih leh nopna vive tawh ki pan keikha mah ding hi, ahi zongin tua lampi na zuih pelmawhle gualzawhna na ngah veve ding hi.
A inn kuan haksatna leh azi atate sihna tampi omlai ahih manin hun ngah sunsun in kong hanciam toto ding hi.
Ka Deihna Bulpi
Khangno te aw giimna tupna i neihte pen sumle paai akicingciang cih tawh omlo ding hihang…
Khangno Pasian nasem thak ding te aw,hih Judson te nupa tuah thute tawh tha a ni,amau thuak nazah haksat na i thuaklo lam phawk in Lungdam koni
Sya Siamh asem Mi tampi takin nalungkiathun nathanem hun in hih thute lungngai den un cih ka deih na bulpi ahihi.
A nuamna pawlpi, ahau pawlpite kiang bek ah lungdamna thu gen ding hilo a, Pasian thu azanailo mite leh gupnathu atelnailo mite kiangah haksatale i pai ding ahihi. Tuhun Pasian i na sep dan ki ngaihsun pha kik ni. Anuampen mun bek ah Pasian thugen in,apiangthaksa te kiang bek ah apaipai khawng i hih khak ding dahhuai mahmah hi. Gal leh sa phul ngamin sumlepaai bek enlo in anduh gilkial dangtak thuakin Lungdamna thu gen ding zong thupi hi. Bangmah atheilo i gam adingin khaici hong tuh Judson te thuakna leh deihsakna ki piakkhiatna te eite in maban i zop ding thupi hi.
(America gamnuam nusia in gamzawng penmun ah hong pai Judson aw nang hang in tu-in Kawlgam pan in na nusiat America gam nazuan ziah”ung ,na tuh khaici pen Leihoihna ah tuhna hih man pungin khang hi)
Laigelh =Theophilus khual
Khialhnate maisak un!Ka hihtheina zah in “THE JUDSON HISTORY AND LEGACY” lai bu pan kong letkhiat hi.
