Lungtang natna neite thei ding thupawl khat
Tuni in i gennop ahih leh Cidamna lam tawh kisai hi aa, Lungtang natna neite bangci kidal ding aa,bang Anne te ne ding bang ante nelo ding cih ii ki kumsuk nuam hi. Leitungah gamkhang to America gam bang ii et ciangin Lungtangnatna tawh 36seconds in mikhatta si hi ci in American Cidamna lamten na gen mawk uh hi.Kumsim in American gam ah Lunttangnatna hangin misi pen 659,000 bang pha den hi.. 2016-2017 Kum bangin kumpi in hih Lungtangnatna adalna dingin Dollars 363 biilions bang bei lawh zen hi …
Alau huaipen Lungtangnatna ahih leh Coronary Artery Disease hi aa,hih natna tawh misi pen 360,900bang si hi..Kum20 tungsiah natna nei pen 18.9miilions bang hi aa,CDA (6.7%) hi aa, CDA ngah sawmlak lah 2bang si in,tuapen kum62 nuai te hi zaw deuh uh hi..
Leitung mipil ten lungtang natna tawh kisai in namsagih in na khen hi..
(1) Coronary Artery Disease (CAD)
(2) Lungtang kisai maanlo
(3) Lungtang natna
(4) Lungtang sivui natna
(5) Pericardial natna
(6) Cardiomyopathy (Lungtang tungaa sataknatna)
(7) Pianpih lungtang natna(Congenital Heart Disease)
Lungtangnatna limlim bangci dal ding
2008 in US Department of Health and Human Services (DHHS) te in agenna ah nisimin pumpi adingin Exercise hih dingpen limgen mahmah a, lungtang natna neite bangin hihzo leh hoih mahmah hi ci in gen uh hi ..Kalkhat bangin aerobic hihden ding pen lim gen mahmah uh hi.Atawmpen minutes’150 ahih kei leh 75 hih ham tang dingin vaikhak uh hi. Nisim in ii hih ding ahih manin Nikhatin minutes10 peuh mah sawtsak ding ahihi. Zatui Zaha nekna sangin hidanin hihna pen hoih zaw hi ci in gen uh hi, Lungtang natna nei te pen amau uknam ki mawlna pen hih denzo le zong hoih sem hi. Doctor tampi takin Lungtangnatna avengna dingin kankhia tek uh aa, atamzaw in zatui Zaha sangin aerobic khawng hih denin,aut uh alungkim uh hih uh le muibunzaw ci in na lim gen uh hi…Hih pen Exercise lam tawh kisai hih ding ci ni….!
Neklam tawh ki sai ahih leh Anteh namkim,singgah namtuamtuam, Ngasa,Aksa, sodium kihel ann siangtho takin aki bawl carbohydrates an,trans fat kihel ann cih te ki ne thei hi. Hi te a ne den te pen Lungtang natna ngahna sungpanin 31% bang dal zo aa,zunkhum ngahna ding panin 33% bang dal aa, Liphiat ngah na sungpanin 20% bang dal hi. Bawngsa bang pen hoih mahmah ci in,Hofstra University aa Dr.Regina Druz leh St. John Episcopal Hospital in New York City te in gen uh hi….
Aki katkhiatna khat ah olive oil (or) nuts cih tuamtuam te zatna pen Lungtangnatna ngahna ding dal hi cih pen na mu khia uh hi..
Sapiktui bang pen Lungtangnatna neite in tawmta bang ne denzo leh hoih mahmah hi cih pen Healthy Eating Index 2015 in agen ahihi. .Zuu dawnluatna,Zatepna,khamthei tuamtuam te zatna hangin Lungtangnatna ki ngah baih mahmah ahih manin, tua te ii zatlo ding hoih pen hi .Ahi zongin pianpih Lungtangnatna ei te ahih le genthei lo ahihi..
Black Beans hih pen Lunttang Cidamna dingin ahoih mahmah khat ahihi..
Salmon: Lungtang Cidamna nadingin Omega-3s hih pen anteh namkim,tuisungpan aki ngah sanam kim hi aa,Cidamna na ding leh Lungtang ading ahoih mahmah ahihi.. American Heart Association panin agenna uh ah Salmon ngasa ahih kei leh athautam ngasa pen ni khatin nihvei bang nek dingin lim gen uh hi. Ahangin amau gam ah Lungtangnatna nei mitamlua ahih manin adalna dingin hoih ahih man ahihi.
Hih Salmon sangin amantawm khat ahi Tuna sungah Omega 3s kim takin kihel hi .Tua ahih manin Lungtangnatna dalna dingin Tuna ngasa ne un ci in gen uh hi…
Walnuts: Ni khatin walnuts tawmnekna hangin cholesterol tawmsak hi.Na lungtang siluanzia aman lo te khawng dal mahmah hi .Gilpi adingin zong hoih mahmah ahih manin,meh sungkhawngah walnuts khah leng hoih mahmah hi…..
Almonds: hih pen mehsung ,sa sung cih khanwg ah kikha thei aa,lungtang adingin zong ahoih mahmah khat ahihi.Almonds in ahoih lo LDL cholesterol te dal mahmah hi .Nisim in nezo leng hoih hi.
Edamame:Hih pen ansai tuamtuam khawngah zong ki limzat ahih manin kitel kim lel ding hi. Adiak in Asia ansai ah ki limzat hi. Lungtang Cidamna dingin ahuh mahmah khat ahihi.Nekden ding in zong lim mahmah hi….
Orange: Lingmaw pen lungtang Sisan adingin ahoih mahmah potassium kihel ahih manin nek den ding ahihi.Akan khiatna uh ah Orange pumkhat nekna hangin lungtang Sisan luanzia Maan sak hi cih na mukhia uh hi ….
Oatmeal zong lungtang adingin ahoih mahmah khat ahihi. Flaxseed hipen lungtang adingin hoih mahmah hi.Fiber,lignans ,Omega-3 fatty acid cihte kimin ki hel hi.
Phuitong gahtui cihte,Phulun kang cih te zong Lungtang adingin hoih mahmah hi…Adiakin Phulun kang bang pen hoih mahmah ahihna mitampi in zang hi. Gamdang beklo Zogam ah zong hih pen ki limnzat hi.
Green Tea : Hih pen Lungtang ading leh Liphiat neite adingin hoih hi. Lungtang ading ahoih nekthei ding tamlua mahmah hi,Mailam ah hanciamtoni,kan ding aa ih deih thupi ii sak deuh ii thei nop deuh aom le comment ah na gelh un….Aman lang thei pen in ii hanciam ding hi.
Thu khupna : Energy Drink cihte dawnlo ding thupi mahmah hi. Kristin Shaffer in agenna ah US ah khangno lungtang natna nei tamzaw khangno te 30% bangin hih monster,Red bull cihte tam dawnluatna pan hi cih pen na mu khia hi. Tua ahih manin lungtang natna nei mi khat na hih le nek leh dawn ki dawm in cih ki thapia nuam hang..
Laigelh : Theophilus Khual
