Dawn ding maw or Dawnlo ding
Mi tampi te in monster energy pen dawn ngam huailo hi bang hang hiam cih leh abung Tunga lai kigelh pen Hebrew lai hi a, 666 hi ci in lipkhap mahmah uh hi. Hi ci et pak leh ngaihsun pak leng pen ahi mah thu ahihi. Hih tawh ki sai in Mangkang numei khat in lim gen mahmah a, tua in mipi te huzap zo mahmah hi. Hih tawh ki sai in company lampan in dawnkikna nei uh a, hih pen biakna lam tawh ki sai dihdih lo hi ci uh hi.
666 bek hang Hilo in O mun ah singlam teh aki leh bulh dingin koih cih tawh tua nu in Christian te simmawhna khat hi ci in dawnna nei kik lai hi.
Bangbang ahi zongin hih nambat vai lian lunghimawh leh lungkham ngaihsut mi pawl khat te adingin ka gen nop khat in van leina mun khawng i pai ciangin anuai ah avom bekbek tawh ciangkang dan aki gual deudau om ciat hi. Tua te zong mipil ten agen ciangin 666 mah phasak mawk hi.
Na khempeuh tungah tuate om hi le hih monster tung bek ah om hilo hi cih zong phawk huai mahmah hi.
Ahoihna
Vitamin B2 2.9mg, Sodium 270mg,Niacin Vitamin 8.8mg, Vitamin B6 1.2mg, vitamin B12 0.52 mg cih te ki hel in , Khuak na sepna hatsak in pumpi adingin vangpilna leh thahatna hong pia hi. ihmut khamlona hangin lutangnatna cihte ciniang cihte bang pen phatuam sak mahmah hi.
Ahi zongin company lampan in agen ciangin Nisim tui dawn dan in dawn ding phallo uh hi. Zatampi ki hel ahih manin tamdawn luat ding zong na kham uh hi.
Theisakna: Lungtang natna nei mite in nek ding hoihlo ahihi. Bangzah in hoih mahmah zongin na cidamna tawh aki tuak kei leh ne kei zaw in.
Adawn ding mimal tungah ki nga ahih manin dawndan zatdan Siam ding thupi penpen hi.
Lungdam
Laigelh : Theophilus Khual
