NUNTAAK SIAM IN
Mihing khatciat in lungkimhun cih
kinei ngeilo a, a hizong in, a piang bangโ tawh a lungkimthei mi-in mi hampha tatak a hihi.
Nuntaak na a nei lo NI, KHA, AKSI, SINGKUNG te leh TUIPI te na ngawnin a mau hihna tawh lungkim in ei Mihing te a ding lamhoih lammaan honglak thei uh hi.
Nai-in gen
===========
Na hun limtakin hongzat siam in, a bei sa hun cikmah in na lakik thei nonkei ding a, kong hunnop hang in kei pen a ki lehkik ngeilo ding a, kiciam sa ka hihi.
Khedap in gen
=============
Na khe a hoihna dingbek in hongbulh kei-in la, Ling in hongsutkhak loh nading in, ki dal na in hong nei in nang konghuh theihna ding in hongbulh siam in.
Kawl lukhu in gen
================
Napai na khempeuh ah kei hong tonpih in, Ni a saluat hun te leh guahzu meikai nuai ah nang kongdal ding a konghuh theiding hi.
Sum in gen
===========
Na deihna sang in na kisapna munah hongzatsiam in, nongzatsiam kei leh na kiangah sawt kong om theikei ding a, Mite mai ah na maizum / maimial ding hi.
Khapi ingen
===========
Bang zahtakin zankhua a mialzong in, no te a ding in khuavak ka hihzawh nanโg a hanciam leh
no te lungnop na kongpiak theih nading in a hanciam den ka hihi.
Vantung in gen
==============
Meeiteng a veng / bei hanโg in, no te a ding leh nong etteh theih nading un, kei leh kei a hoihpen in ka om a, ka hih na bangbang tawh ka lungnopna konglak hi.
Ni โ in gen
==========
Na mailam nuntaak nading in, nang leh nang kimuan na, hanciam na leh lamet na na neihthei na dingin, sun nitang leh hun kongpia hi.Mi te honghuh hongpanpih ding bek ngak kei-in.
Singkung in gen
==============
Leitung a a om Mihing ganhing kuamah khentuam kongnei kei a, ka kiang ah hong tawlnga /khawl nuam khempeuh na hih na bangbang un hongsang in lungnop na leh tawldam na ka hongpia hi. LaiBu in gen
============
Kei hongsim un, leitung kimvel kullo in no te a ding in, thu hoih, thu manpha leh a theihhuai thu tuamtuam te ka sungah om hi. Kei nongsim uh leh cikmah hun in na maimial ngeikei ding uh hi.
Tuipi-in gen
============
Kei dan in omkei un, nuntaak na ding tui kisam a, tui khempeuh ka kiang ah a om hanโgin kua mah hongpai-in, kei hongdawn lo uh hi.
Mei-in gen
===========
Kei hong eng kei-un, banghanโg hiam cih leh note a dingin, khuavak, a lum leh a noptuam ding tampi kongpiak theih hang in, sa ka hih man in luahuai a, kua mahin kei hongneh ngam lo hi.
Tua a hihciang in Mite in a hoih lo bangbang agen zongin nang leh nang a hoihpen ding in omthei in. Na mailam nuntaak na dingin a hoihpen in gel in hanciam in. Tu-a na dinmun tawh na lungkimtheih leh mi hampha leh a kimuthei lo lungnop na anei na hihi.
LAIGELH:Theresa Manno
SOURCE
