NUPA KAL BUAINA VENGNA DING THUSIM
👩❤️💋👨👩❤️💋👨👩❤️💋👨👩❤️💋👨👩❤️💋👨👩❤️💋👨👩❤️💋👨👩❤️💋👨👩❤️💋👨👩❤️💋👨👩❤️💋👨👩❤️💋👨👩❤️💋👨👩❤️💋👨👩❤️💋👨
Khatveivei teh lawm ki ngai ahi a, Nupa kal ahi zongin ki tot hun ,ki kam tam hun om thei lua hi. Pupa te’ paunak ah leilehha zong kipet acih bangin i ki petkhak hun om thei zelzel hi…
Leitung ahih manin aki cing kim kuamah om peuh mah lo hi. Ahih hangin i kitotna i kikam tam na hang pen hong thupi mahmah hi…
👩❤️💋👨Nupa kal ah zong ki kamtamna kitotna khat leh khat ki nuakna om zelzel thei hi. Na zi angap lo ciangin telsiam inla , na zi agim ciangin hehpihna in, na deihna zahin na zi in thahatna neilo in aom leh athahatna dingin nang vaipuak la pah in, mi tampi in amah deih bangin azi om kei leh amah Lungkim bangin tazo kei le zite hawm thawh bawl thei hi. Tua ding Hilo a na zi ahih manin na khut sungah aom khat pen na puah ding na zuun ding ahihi. Singkung khat Agah khiat theih na dingin tui i buak a, ahunhun amah anawngkaisak thei lungno te i hemkhiat tak ciangin Agah limci in ateh hong sel kikkek hi. Tua mah bangin Pasal in zong zite thahatlo na zite kisapna pen apuah ding azuun ding leh azi alungdamsak alungkim sak ding amah tavuan ahihi.
💆Numei te pen ahunhun in puah ding zuun ding ki sam mahmah hi ci in American Sivuan ki pawl na te in na gen khia uh hi. Numei te pen Singkung tawh ki bang hi na ci uh hi. Tu ni Zomi sungah zong i phawk khollo hangin Numei te ana genthei simsim om hi. Amah sisan hatna leh anumei sisan hatna ki kinlo tak ciangin Nupakal Buaina Piang thei a, tua bang hun ciangin Singkung i puah i zuun bangin puah ding zuun ding ahihi.
🧖Numei te in zong na pasal te uh gimna leh tawlna theipih mahmah un. Pasal te pen aciasa uh agim ban ah alungsim uh zong gim baih mahmah hi. Tua lungsim gimna tawh kisai in American Siavuan te muh khiatna ah Pasal khat alungsim agim mahmah leh athahatna 100ah 75 bei zo hi ci in na ciamteh uh hi. Tua ahih manin Nupa kal ah akisam penpen khat leh khat lungsim gim na ki puakpih ding thupi mahmah hi. Gamdang ,Gamkhang to te ah bang hangin a inn kuankuan in khakhat in khat vei , Kum langin khat vei a inn panin mundang ah khualzin in pai khia hiam cih leh amau alungsim uh avak sak mahmah ana hi gige hi.
Sumhau te bang pen Hotel ah Nupa khawngin pai uh a, alungsim uh vaksak mahmah uh hi. Hih pen atamzaw Pasal te adingin thaza hoih mahmah khat na hi gige hi. Tua ahih mani numei lampan in pasal lungsim nopna ding leh lungsim vakna dingin tavuan lianpi nei uh hi…
🧑⚕️Siavuan khat kiangah Numei khat vapai a , Sia aw ka pasal Cidamna leh kei Cidamna ki kinlo ahih manin bang sem ding ka hi hiam ci in Sivuan pa va dong hi. Siavuan pa in apasal nasep dongin , tuanu in apasal vaidawn dan te limtak in adot khit ciangin , alungsim nopsak inla Lungkimsak in, tua ban ah Pasal te adingin ahoih mahmah ci in zatang pawl khat zong pia hi. Ka gennopna ah Pasal Cidamna leh Azi Cidamna ki kimlo ahih manin anupa kal uh buaisak simsim mi om ahih manin tuate in napasal ahi a, na zi ahi zongin mawhsak Pahlo zaw in Siavuan ,Siamah te tawh ki muh ding sawm zaw un cih pen idea hoih mahmah khat hong pia hi….
Ei mite pen tualam a ngaihsun ki tawm mahmah lai a tua bang dinmun atuak ten zong Siavuan te tawh kimuh ding agen ding Maizum in nei uh ahih manin hih Buaina pen vengthei lo hi. Gamdang te danin Khualzinna tuamtuam i neizo kei zongin hi bang i tuak ciangin Siavuan siamah tawh ki muh ding zumhuai hetlo hi…
Tua ban ah aki Sam penpen in Nupa in Thungen khawm , lasa khawm ,LSTho sim khawm den ding thupi mahmah hi. Tua in lungnopna hong pia in thahatna hong pia ding hi. Hih atung aa te na sim khit ciangin hih amasa in hong zang un . Pasian in Nupa kal hong nopsak ding hi..
Lungdam ei..
✍️ Theophilus Khual
