PHUITONG GAH IN HONGPIAK CIDAMNA PAWLKHAT
Phuitong gah in Cidamna dingin hong piak te en sukni
Mitampi in adeih mahmah Phutongpak hi aa, agah ahih leh kithupi simlo in ki omlel hi.Kei bang agah penkhasa lua ,lim asa khollo ka hi aa,ahizongin ii cidamna dingin ahoih mahmah khat ahi gige hi. Zatpah thei ding pawlkhat en sukni..
(1) A ihmu theilo ten Phuitong gah ne leh hoih hi.Phuitong gah sungah Melatonin cih hormone ki hel ahih manin,ihmutheilo te adingin hih agah nele ihmutnuamsak hi. Melatonin ii cihin khuak sung aa pineal gland pan aa hong luang hormone namkhat ahihi.
(2) Weight Loss sak na dingin hoih mahmah hi. Mitampi takin zong lim zat mahmah uh hi.Phuitong gah sungah Calories tawm ahih manin,Phuitonggah haikhat ah Calories 100 kiim bek om hi.Tua ahih manin pumpi adingin hoih mahmah aa,Vitamin tampi zong ki hel ahih manin pumpi sung aa,ahoih lo thauluatna cih te paai khia hi…
(3)Sikhang natna Dal,Phuitong gah sungah Potassium tampi ki hel ahih manin, pumpi sungaa sodium tampi luatna dalin,sisan luatzia maansak aa, Potassium leh Sodium pen kikim sak ahih manin,Sikhangnatna dal mahmah hi.
(4) Lungtanng siluan zia maansak ,Phuitong gah sungah aki helkhatin anthocyanins hi aa,pumsung aa sisan hoihlo leh lungtang sung aa siluanzia hoihsakin, Lungtangnat leh stroke natna zong dal hi..
(5) Cilehsa hoihsak ,Phuitong gah sungah antioxidants kimtak in ki hel ahih manin,cilehsa zolsak aa,cilehsa ngeksak mahmah hi.Nisa sungah om aa mai ah alomnono in vom cihdan te lakkhiatna dingin zong hoih hi.Tua pen bang ci hih ding cih leh Khuaizu sikkeu khat Phuitong gah mitsa te ii tui helin maiah nuh ding ahihi.Minutes10-15 kikal diah dingin tua khitteh sawp ding ahihi…..Vitamib B,Vitamin C tampi ki hel ahih man in ci lesa ading hoih hi…
(6) Sisan hatsak ,Khua-ul luan gawp na hangin thabei te thadim hi. Kal adingin zong hoih mahmah hi,
(7) Sithumnatna nei te in Nikhatin Phuitonggah tui phiau in dawn den leh hoih hi.Mipilte kankhiatna ah Sithumnatna neitampi tak in hih Phuitongtui te dawnna hangin damzo uh aa, Sithum neilo ten zong dawnzo leng sithumnatna ngahna ding panin dal hi ci in genkhia uh hi.
Laigelh : Theophilus Khual
