Pope Leo XIV Tangthu

Pope Leo XIV’ thu tawm cik:
————–+-+—-+++++++——–++
1975 kumin a lamdang khentatna bawl hi.
Harvard University ah Upadi (Law) sin khuan ngah himah leh nial in Peru gam tawng, kuama phawk khak loh khuaneu penpen khat ah Pasian nasem Missionary suah ding ut zaw hi.

Tun ahileh amah pen Pope 267th na hong suak hi.
– Incans te khanglui minam pau in pau hi. Siam mahmah hi.
– Nai 8 sung khe tawh pai in mizawngte lakah nasem hi.
– America leitang ah a piang ngiat pen Pope te lakah amah bek ahihi.

Amah pen ama kimawlna munah a sang pen tungto hi. Tinchhia (Math) sia khat hiin, Catholic thuzui citak mahmah khat zong ahihi. Harvard in Law sin dingin deih hi. Khangno khat in sunmang bekin a mat zawh hamphatna teng aman nei hi. Harvard ah Law sin ding pen nial pah hi. A khasum pen nambat malguk a pha ding ahihi. Tua zong nial hi. Minthanna, vangliatna leh leitung nopsakna teng Mangpha paih in mi tawmcik bekin a lunggulh uh missionary suak ding khentatna bawl giap hi.

A omna gam pen Peru gam hi.
Gam hau leh thupi lo pen khat hi.
A omna mun pen khuapi hi lo hi. Gam dang mite utna mun zong hi lo hi. Gam tawng penpen khuaneu sungah om hi. Tua khua ah lampi kician om lo hi. Tuisiang dawn ding om lo hi. Tui siang ngahna mun pen tai tampi kigamla hi. A kidam sak thei natna hangin mi tampi si uh hi. Mipite zawng uh in zatui zaha nei zo lo uh hi. Tua khua ah WIFI om lo hi. Mual tampi leh zawnna bek om hi. Ahihangin aman tua khua pen a inn bangin ngaihsun hi. Amah pen amaute lakah a om bek hi lo hi. Amaute lakah khat suak hi.

Quechua pau sin hi. Tua pen Incas te pau thupi khat ahihi. Neek ding an pen mun gamlapi panin khe tawh pai in pua hi. Sual niin tungah khua mite tawh a kibangin lum in ihmu hi. Aksi taang nuaiah khukdin in thungen hi. Omna ding buukno a lam loh kaal in khedap nei lo naupangte inntung khuh nei lo sungah tinchhia hilh hi. Lai a hilh loh sungin cina te a sakol tawh pua in huhna nget sak hi. Amah paupau lo a, midangte ngaih nop loh leh thusim loh khua mte thu gen ngaihsak hi.

A sangkah pih lawmte Doctor, Lawyer suak uh hi. Amah ahileh tuucinghpa suak hi. Mite sanggampa suak hi. Upna sungah galkap hangsan suak hi.

Damdam in ama thu hong kizeel hi. Ama nasepte pen TV leh Media te ah kigen in kikhah khia ngei lo hi. Ama thu pen Andes gam kuam tengah awging bangin hong kizeel tawm hi.

Siadaw ten thei ta uh hi.
Siampi (topa) ten zong thei uh hi.
A tawpna ah Vatican bil hong tung ta hi.
A omna khuaneu panin kisam kik a, Augustinian Order sungah a zalian pen in kikoih hi. Gam 40 sungah a kizeel Augustian Brothers 2,800 teng kem hi. Himah leh aman ama bulh khedap suah tuan lo hi. Mizawngte a huh khawl tuan lo hi. Leitung nopsakna te sungah lut tuan lo hi.

Rome in ama naih ah om leh deih ahihmanin 2020 kumin Archbishop suak sak hi. Leitung bup a siadawte a uk dinmun ah lamto hi.
Amah pen Latin naak siam lua hi.
Canon Law zong telpi in tel hi.
Tuate pen itna leh hehpihna thu a tel zah in tel hi. Amah kiniam khiat in, mite thugen ngaih sak hi. A mite lakah amah om den hi. Gaal vil lo hi. A tuu te gaal cin lo hi. A tuute lakah amah om hi. Amah pen a tuute gim nam hi.

Rome in ama sungah siampi ciang bek mu lo hi. Kha thu ah makaipi ama sungah mu uh ahihanin September 30, 2023 kumin Pope Francis in Cardinal suak sak hi.
Tun 2025 hi ta hi.

America mite ading in a piang ngei nai lo thu hi a, cikmah in tangthu ah mang ngei nawn lo ding hi.

Tinchhia a hilh sia lui khat,
Mite phawk khak loh khuaneu khat ah missionary a sem Robert Francis pen Pope dinmun ah kilam to a, leitungbup Catholic Pawlpi a kem Pope 267th na ciang dong tung to hi. Pope Leo the 14th, dam sawt hen.