“Pu Bill Gate aw, Leitungah nang sangin sum hau zaw a om diam?”
“Om mah hi. Leitungah kei sangin sum hau zaw khat om hi. Ka tuah kha ngei thu khat hong gen ning.”
Tua hun laiin kei pen ka hau nai kei hi. New York ah ka om a, ka zawng mahmah hi. Khual ka zin zelzel hi. Khatvei vanlengtual ah tadensa deih ka hihmanin a zuakpa khiangah khat ka la hi. Sum ka piak ding ciangin ka sum na kicingh lo hi. Lei zo lo ka hihmanin ka pia kik hi. A zuakpa in “Pu aw, a khongin hong pia ning” hong ci a, lungdam takin ka la hi.
Tua zawh kum thum khit ciangin tua vanlengtual mah ah tadensa ka lei leuleu hi. Ka sum kicingh lo zel ahihmanin ka koihkik hi. A zuakpa in a mawkna in hong pia leuleu hi.
Tua zawh kum 19 khit ciangin leitunga sumhau pen Bill Gates ka suak hi. Khatvei vanlengtual a tadensa zuakpa ka phawk kha hi. Vanlengtual ah paikik vingveng pah in tadensa zuakpa ka zon leh ka mu hi. Ama khiangah “Kei nong thei lai hiam?” ciin ka dong hi.
“Hong thei lai mah ingh. Leitung a sum hau pen Bill Gates na hihi” hong ci hi.
“Tadensa a mawkna a nong piak na thei lai hiam?” ciin ka dong leuleu hi.
“Thei mah ingh. Nihvei a mawkna in hong pia ingh” hong ci hi.
“Na deih penpen hong gen in. Kong piak theih khempeuh kong pia ding hi” ka ci hi.
Tadensa zuakpa in hong nuihsan a, “Lawm aw, nidanga kong huhna pen thuhkik hong sawm hiteh. Ahihang cikmahin nong thuk zo kei ding hi. Ke’n pen ka neek taang kong pia a, nang pen na hauh khit ciangin ong huh ding na hi pan hi” hong ci hi.
