Spread the love
Suahtakna i cih pen ol takin ki ngah lo?
- India te in Mangkang kumpi khut nuai panin Suahtakna angah theina dingin haksatna tampi phukha uh a, nuntakna tampi sup lawh, beilawh uh hi. Tangthu kan te ciaptehna ki bang kim kei ahi zongin ahuampi in ahih le Suahtakna dingin mi 200000 pan 300000 kiim bang hi dingin ciamteh uh hi.
- Eite in zong Mangkanh kumpi ukna nuai pan in Suahtakna i ngah khit hangin hih Suahtakna pen Galkap kumpi in ahunhun in hong sattat toto ahih manin India te bangin Suahtakna taktak mipi in i ngah nai kei hi. Tu in i Suahtakna ding taktak pen Galkap kumpi ukna nuai pan i ngah kei leh Kum tampi supna I ngah kha ding hi.
- Suahtakna adeih taktak te in sem khia uh a, asup abei lawh zong tampi om hi. Tua ahih manin I gam leh lei adingin na i sepna te ahaksat hangin i lungtup ki ngah veve ding hi.
- Ol tak in ngah leng Suahtakna thupitna leh manphatna i tel kei lai ding hi.
- Galkap ukna sungpan in Suahtakna i ngah theina dingin hanciam semsem in Mipi Galkap dongin nuntakna apia te tuni in India Independence (India Gamsuahtak ni) in athak in zahtakna kong pia hi. 🫡
- Mi gam nuam ah nang na om hilhial theina hang pen amau agam adingin Kum tampi na sem uh a, agam adingin mitampi in anuntakna pia uh cih pen mangngilh ngeilo ding hi hang.
- Sashi Tharoor in aciaptehna ah India Suahtakna dingin nuntakna apia bekbek pen 1857-1947 ciang ah 35 million pha hi ci in ciamteh hi.(An Era of Darkness: The British Empire in India by Sashi Tharoor).
…
August 15/2024
Theophilus Khual
