Zomite’ Tumging, Saiging, Satging Betging, Mutging,
Min A Tuamtuam
01.Khuang – Sing pum khat a sung kikhuat a, savun tawh bittak a kituam cip
hi. A hi zongin a lai zangah huih paikhiat theihna ding a vang neu khat
kikoih hi.
02.Khuangtom – Khuang neu mahmah a tom liklekte cihna hi. Tua ahih
manin mun khatkhat ah lenkhuang mun ah tomkhuang cih zong na zang
kawikawi uhhi. Khuang veve ahih hangin a cihnopna kibang lo hi.
03.Sialki – Sialki takpi mah hi a, ciangpum khat tawh khuang tum tawh
kizui in kisat leklek hi
04.Zam – Siikngo tawh kibawl zung li thuuk in, a tumna mun ding
santak alai zangah khuttum cia a pha ding khat kikuum sak a, tua pen,
ciang pum dawnah puansia tawh kibawl a bawl bilbel khat kibawl a, tua
tawh kitum ahihi.
05.Daak – Bu khat ah tang thum om hi. Siikngo tawh kibawl hi.
06.Daaktal – Daak sangin a zaina neu zaw a zong sah aw hi. Khat bek mah
aki tangg tum hi
07.Phiit – Pumpeng kici gua nam khat tawh kibawl hi. Phiit Bu khat ah a
mal in mal 14 om hi. Ahih hangin a telek nihte pen a eu leh a un khat
tuak hi a, kikop hen hi.
(1) A pan a un ——– nih
(2) A pan a eu ——– nih
(3) A dawng a un —– nih
(4) A dawng a eu —– nih
(5) A hual ————— li
(6) A telek —– nih (kop khat)
08.Dingdong – Kibik mah tawh kibangin a pum neu zaw hi. Phei tungah
koihsa a ki tum hi.
09.Guasem – Um taak mahmah khat leh gua, guapeeng tawh kibawl kam a
kimut ahihi.
10.Guasok – Gua phal nih kibup tuah a kisai leklek
11.Kibik – Kilong, sakuang zong kici hi. Daak mah bangin aw thum phasak
hi. Sing pum a maam mahmah khat tum thum suah a, a lai kikhuat
Ciimnuai Tate’ La Namcin Dawng 9,000 val 58
kiukiau hi. Tua pen a bil kiguanin a aw lai a tak lamah a tungnung pen ah
kikoih in a nihna a un pen pen, a vei lam ah kisiat in a eu pen a tak lam a
nuai nung pen ah kisiat hi.
12.Liamlo – A taak mahmah guapi tawh kibawl, khauzang li kivawh in, kam
vang tawh bulh a kisat selhselh.
Phit Bu Khat: Apan un nih, apan eu nih, a telek kop khat, adawng un nih, adawng
eu nih, ahual nih ahih kei leh li dong kikoih thei a, a vek in a malin 12 pan 14 pha
hi. Ahih hangin a telek kici pen nih kigawm kop khat ahih manin, a tum ding
mihing 11 ahihkei leh 13 kisam hi. Ahual ih cih pen a tawpna ah a telek tawh
kihual ding a kimut khawm hi a, a hual nih pan li ciang kikoih in a vek in 13 pha
hi. Tua ahih manin phit laam tawh phit tum kawm a akilam ciangin phittum mi 13,
khuangtum 1, sialki tum 1, zam tum 2, teilekpa tawh a vekpi in mi 18 bang akisam
ahihi.
Daak La
Source: Pau Za Mung, Laaitui
01.Salawi pheikai pheikai eh, phiphu phiphu cita vuau.
02.Ka inn khang ciang’ ah sathei phung khat po
03.Doldeeng doldeeng siam doldeeng,
04.Inn deeng dol
05.Ui-tawwm aw, laamlaam, sum na deih leh sum pia ning, paai na deih leh
paai pia ning, ui-tawwm aw, laamlaam, tuilii tungaa ui-tawwm aw,
laamlaam.
06.Kallaw kallaw
07.Simbu in phengphelep ee, gungal kaipih zo ta e.
08.Tuakkhial in limbuuk a lam leh, a kal guakin zaam na singsiang e.
09.Lumle lumle
10.Khau vasat khau vasat aw, zawlthang aw khau va sat aw.
11.Pumva
12.Suihsuih tangtang bolbol, beng bol beng bol.
- Daipaam vutkhu puan pia vua, khuadam sang e, dam sang e
Ciimnuai Tate’ La Namcin Dawng 9,000 val 59 - Sial laam vuau sial laam vuau, tangval tangval sial laam vuau, sialtal
laam vuau. - Liando te unau
Tong vung aw mantam mantam, sum pia leng lah a deihlo, paa pia leng
la a deihlo, tong vung aw mantam mantam.
16.Asisi thanmual phei lamah, luanthi tawh khau bang ciah e.
17.Ton neem - Aksi pakhat kei pakhat, pa nih pa thum..etc.
19.Tei lai ngawl teilai ngawl, kawltei lai ngawl tei lai ngawl. - Ka ni nu leh ka gangpa, tangsial sun e, sial sun e.
21.Tongtong suansuan
Hih a tungaa daakla te in, daak bek hilo, kibik leh dingdong zong tawh
ki sa thei lai hi
