ZBC-CBC & ZTC-CCIT AH KILAIHTA
Rev. Thang Khan Khai
TSR Kalaymyo
A 21-veina ZBC Triennial khawmpi pen Carson Baptist Church (CBC) Sanmyo veng Kawlpi ah March 21-24, 2013 sung thupitak kibawl hi. “Note Kong Sawl Hi” cih kibulphuh in Zomi Bapitst Convention pan a tamzaw lungkimna tawh Association 28 sung pan 24 tawh CBC ah kipsak uhi. March 24, 2013 nitak in ZBC GS pan Zomi Bapitist Convention (ZBC) neihsa Zomi Theological College (ZTC) pen April 2013 pan Chin Christian Institude of Theology (CCIT) kici ta hi.
Khawmpi Delegate Meeting ah ZBC pen CBC ah laih ding vai nasiatak kikupna kinei a, Meeting Chairman in a thugenna ah, “Abeisa 1953 kum ZBC akiphuatkhiat laitak in, vekpi thu kiman tawh kiphuak hiioin, a tamzaw thukimna tawh khensatna kinei hi” ci-in gen hi. Tun zonga tamzaw thukimna mah tawh ZBC pan CBC ah kilaih ding ahi hi” ci-in tenkhia ci hi. Abeisa 1995 kum ZBC Triennial Khawmpi, Khuasak khua pan Tedim kampau Zomite taikhia in, ZBCM (Zomi Baptist Convention of Myanmar) phuankhia hi.
Tua bang a kigen ciangin KVBA, NKVBA, SKVBAte lungkim lo uh ahih manin, Rev. Neng Thian Pau in minutes 10 sung Agenda a pulak khit ciangin tua Association pan CMC Centinery Mission for Christ 3 teng Meeting sung pan pusuakkhia uh a, lutkik nawn loin ciahsuak uh cih kiza hi. Tua banah a lungkim lo mah ahi Tedim Association of Baptist (TAB) pan Rev.Mang Khan Sum, Thangnuai khuami in, “ZBC mah tawh ka om suak ding uh hi”ci-in nasiatak a pulak hangin a thukimpih om lo ahih manin Association 28 sung CMC pan Association 24 thukimna tawh CBC ah kipsak ta cih kiza hi.
Tua banah Zomi Baptist Convention
(ZBC) neihsa Zomi Theological College(ZTC) zong Chin Christian Institude of Theology (CCIT) tawh kilaih ta in, April 2013 a kipan CCIT kici ta ding ci-in ZBC G/S panin March 24, 2013 nitakin pulakkhia
ta hi. Hih ZBC Treinnial khawmpi sungah gamsung gampua pan a nuai-a Zinmangpi (Special Guest)te kisam cih hi. Rev. Dr. Chum Awi (USA), Rev. Dr. Chung Lian Hup (USA), Rev. Dr. Yam Kho Pau, (MBC-G/S, Yangon), Rev. Saw Magagyi (MBC President, Yangon)
Hih ZBC Triennial Khawmpi tungtangah Thubulphuh “Note Kong Sawl Hi” cih thubulphuh in kinei in, MBC Chin Baptist Mission ahi CMC (2013-2028) Palai thakte khahkhiatna, a thakte mahialna le pahtawi piakna zong thupitak kinei hi. CBM pen CCOC Chin for Christ in One Century (1999-2013) maban zom ahihi. Tua banah Environment (gam le lei kepna), Consumer (Nekledawn) le Education (Pilna) tawh kisai Exhibition (Vanlahna) om hi.
ZBC Mission Nasepnate
• CCOC : 1983-1999
• CMC : 1999-2013
• CBM : 2013-2028
ZBC gambup Populations:
• Pastor om zah vekpi : 1278
• Chruches om zah vekpi : 883
• Association om zah vekpi : 28
• Population phazah vekpi : 200481
Thu lakna : Zampi Centenary Jubilee
