Dr. Kenton US ah Research bawl ding hong zin
———————————
Ei Zomi sung pan mipil mi siam khat ahi Dr. Kenton Pau Sian Lian pen US gam Virginia State sungaa om Sang minthang khat ahi George Mason University ah Research bawl ding “Researcher” dingin USA hong pai hi. George Mason University pen USA gam ah research abawl Sang minthang mahmah khat hi aa, 2017-2022 sung research tuamtuam bawlna 55% khang hi.
Dr. Kenton pen Waseda University, Japan pan Political Science tawh Ph. D hong ngah aa, ei Zomi sung bek hi lo Kawlgam mi sungah Political Science tawh Ph. D ngah masa lam ahi hi. Dr. Kenton in “Federalism in Myanmar” acih laibu khat zong hong ngelh aa, politics lam ah aminthang mahmah Laibu khat zong ahi hi.
Dr. Kenton pen tulai tak Interim Chin National Consultative Council (ICNCC)/Chin Brotherhood ah Chairperson, ZFU/PDF-Zoland ah Vice-Chairman, National Unity Consultative Council (NUCC) ah member panmun te ah asep lai tak ahi hi. Abeisa September 17, 2024 ni in New York ah vapai thei aa, Permanent Representative Of Myanmar To The United Nations Ambassador U Kyaw Moe Tun tawh va kimu thei uh in thu leh la tampi kikum thei uhi hi.
MOMNO News Media USA
September 20, 2024
